-
1 Timootheyo 6:3-5Biibiliya a Elapo Esya a Soolempwa Soowaarya
-
-
3 Akhala mutthu onimwarya-mwarya soowiixuttiha soowoothiwa ni ohineemererya soowiixuttiha sooreera,*+ seiyo sinikhuma wa Pwiya ahu Yesu Kristu, nnakhala ohineemererya soowiixuttiha sinooniherya moota nikhanle ahu oomurumeela Muluku ni nthiti,+ 4 mutthu owo toowiixinnuwiha vanceene ni khiivo etthu enisuwela awe.+ Nave omusivela onyakulihana ni ovaanyihana moolumo.+ Itthu iyo sinnikumiherya nrima, owana-wana, owootherya akina,* ohaaroromela atthu akina, 5 omakela onyakulihana myaha saamukhaani ni atthu ahirina muupuwelo wooloka+ ni ahinisuwela ekeekhai, yuupuwelaka wiira omurumeela Muluku ni nthiti onniphwanyiha mureerelo.+
-
-
2 Pedru 3:17Biibiliya a Elapo Esya a Soolempwa Soowaarya
-
-
17 Tivonto, axinnaka oophentiwa, okhala wiira moosuwela itthu iya sihinatthi wiiraneya, mwiipasoopeke wiira muhihapuxiwe ni itthu soowoothiwa aniixuttiha aya atthu ootakhala murima, wiira waamini wanyu ohivukuwe.+
-