8 Vano Apwiya, yaawo aniphuka mwa xariya,+ aakisukerya ekhara. Ekhara eyo asukeriwe ale ari anaxariya. Apwiya anookitthuvela ekhara eyo nihiku+ noophukela.+ Khanrowa okivaha miyo paahi, masi-tho animwaavaha ale anlipelela vanceene wooniheriwa wa Apwiya.

12 Tivonto, okhala wiira noorukureriwa ni anamoona oowaatta ntoko meeku, nirihe itthu sootheene sinnilemela ni etampi enaakuva onihopha.+ Nave nitthimakeke nivilelaka mukwaha nithanleliwe ahu ni Muluku.+