6 Axinnaka, akhala wiira mutthu onnirowa ephiro yootakhala, hata ohisuwelaka, nyuwo muneettihiwa ni ikuru sa Muluku, mmuttikiherye ephiro yooreera.+ Masi muhaana opaka eyo mmureerelaka murima.+ Nave mwiipasoopeke wiira nyuwo-tho muhimorele vantaphani.+

4 Miyo Paulo, kitthukweliwe+ mwaha wa Apwiya, kinnootumereryani wiira mukhaleke moovarihana+ ni ele mwiihaneliwe anyu. 2 Okathi wootheene, mukhaleke oowiiyeviha,+ oomaala ni oopixa murima.+ Nvilelaneke mukina ni mukhwaawe, mphentanaka.+

11 Masi, nyuwo muri murumeyi a Muluku, mutthyaweke itthu iya. Ohiya-vo, mphaveleke ni murima wootheene exariya, omurumeela Muluku ni nthiti, waamini, ophenta, ovilela, ni okhalana murima woomaala.+

24 Tthiri murumeyi a Pwiya khonireerela onyakulihana, masi ohaana waareerela murima atthu ootheene,+ osuweleke wiixuttiha, ohaattikiheryeke itthu sootakhala ale animwiirela sootakhala.+ 25 Nave okhaleke oomaala okathi oniwiixuttiha awe ale ahineemererya itthu oniixuttiha awe.+ Woonasa wene, Muluku onoowiiriha atthu awo orukunuxa murima,* wiira akhalane osuwela weekeekhai.+

15 Vano, vamurimani vanyu, mmuttittimiheke Kristu, ntoko Pwiya anyu. Nave, okathi wootheene, mukhaleke oolikana ene wiira nwaakhule saana ootheene ale anookohani etthu mwaha wa nlipelelo murina anyu. Masi, mwaakhuleke mooniheryaka oreera murima+ ni nttittimiho nuulupale.+