15 Masi yoovaha ya Muluku khenlikana ni etampi ya Adamu. Atthu anceene ahookhwa mwaha wa etampi ya mulopwana owo mmosa. Masi oreera murima wuulupale wa Muluku ni yoovaha awe mwaha wa oreera murima wuulupale wa mulopwana mmosa,+ eyo piiyo, Yesu Kristu, ti wootepa wunnuwa. Orumeelaka yoovaha eyo, Muluku onnaavaha mareeliho oowaatta atthu anceene!+

21 Mwaha wa xeeni? Mwaha woowi, siisaale etampi elamulenle aya, enakumiherya okhwa,+ siiso-tho, oreera murima wuulupale wa Muluku olamulele mwaha wa exariya eniphwanyiha okumi woohimala, mwa Yesu Kristu, Pwiya ahu.+

23 Tthiri, etampi eniliviwa ni okhwa.+ Masi etthu Muluku onivaha awe, ti okumi woohimala+ mwa Kristu Yesu, Pwiya ahu.+