Epaaxina Yookiserya

TTHOKO murehereryo wa khalaixa osuweliwe ni apinaatamu, masi olelo va eri mmixankihoni. Mwaha wa amiravo anceene mulaponi motheene anipaha aahiiso owurya mirette soohapala, onamuttompe, ehasara ya omwalana onincerereya olelo va, ohaaxana wa anamathelana, nummuru ninceene na itthoko siri paapa aahiiso maama onaahuwa anamwane mekhawe, ni mixankiho sikina, sinniwiiriha atthu wiikoha akhala wira etthoko enoovikaniha okhala.

Niireke wira nlelo vanniweryaneya etthoko okhala nipuro noosukeya wa atthu a vatthokoni-vo? Aayo, akhala wira atthu awo annisuwela esiiri yekeekhai ya etthoko yoohakalala. Esiiri ela khahiyo etthu evithiwe. Etthu evariheliwe muteko ni ekupaliwa mu iseekulu sinceene. Esiiri eyo exeeni? Eliivuru ela eni: Esiiri ya Etthoko Yoohakalala, ennaakhula nikoho nna. Nave-tho ennivaha matakiheryo anivareleya muteko a moota “esiiri” ela eniwerya aya okhaliherya ophuka mixankiho sinceene sinikhumelela vatthokoni. Niireke wira ookhala mutthu olelo va ohimphavela soohimmwa iyo?