Yoolakiherya wa Anamuyari

Etthu xeeni yootepexa oreera mukhanle anyu owaavaha aniinyu? Anamwane annitthuneya itthu sinceene ntoko ophentiwa, okhaliheriwa ni okhapeleliwa. Masi, etthu yootepexa oreera mukhanle anyu owaavaha aniinyu, ori owiixuttiha Yehova ni ikeekhai sa Nuulumo nawe, eyo piiyo, Biibiliya. (Yohani 17:3) Opaka eyo onimwaakhaliherya wunnuuherya omphenta waya Yehova ni omurumeela ni murima wotheene, okhuma enamwane aya. — Mattheyo 21:16.

Anamuyari anceene ahoona wira anamwane acikhaani anniwerya waakhula saana myaha sookhuveya ni miteko anivahiwa aya. Nto, ninnihakalala okumiherya ebroxura ela eni: Soosoma Saka sa Biibiliya. Khula yoosoma epakiwe wira yiixuttiheke mmukhalelo wookhweya. Ilatarato ni soolepa siri muhina, soolokiheriwa wira saakhaliheryeke anamwane arina iyaakha tthaaru wala ohiphiya. Sooheliwa muhina miteko sikina sikhanle aya oovahiwa anamwane. Ebroxura Soosoma Saka sa Biibiliya, khepakiwe ntoko ebrinquedo ya anamwane. Masi, epakiwe wira anamuyari esomeke hoothe ni anaaya, yaakhaliheryaka ovaanela saana.

Ninnikupali wira ebroxura ela enimookhaliheryani vaavo muniwiixuttiha anyu aniinyu ikeekhai sa mBiibiliyani “okhuma enamwane” aya. — 2 Timótheyo 3:14, 15.

Anninyu,

Nikhuuru Noolamulela na Anamoona a Yehova

[Elatarato eri epaaxina 3]