Enamuna xeeni yooloka ya ompaka kursu ola a Biibiliya?
Nwehe itthu munrowa anyu wiixutta kursu ola a Biibiliya. Nuumala-vo nwehe EVIIDIYU.
MPANTTA WOOPACERYA
Okathi munilokiherya anyu khula yoosoma, musomeke ittima sotheene, ohela muhina makoho ooriipihiwa (A). Musomeke soolepa sa mBiibiliyani siiriwe “musome” (B). Nave ti vooloka osoma soolepa sinittittimiheriwa, maana sinnooniherya iponto suulupale.”
MPANTTA WA ERIYARI
Vathi va mpantta oni: “Mwiixutte Itthu Sikina” munoophwanya wuuluula wa yoosoma (C). Iponto sirina mammeru (D) sinrowa ottittimiheryaka eponto yuulupale enithokoreriwa. Musomeke soolepa sa mBiibiliyani, mwaakhuleke makoho ni nweheke iviidiyu.
Khula yoosoma yookhalana ekaaxa, erina EVIIDIYU enooniherya itthu sikina sa mwaha owo. Iviidiyu sikina sinilavula sowiiraneya seekeekhai. Iviidiyu sikina sowooniherya paahi moovarihana ni itthu siniiraneya khula nihiku.
Muthokoreryeke ifootu ni moolumo anitthokiherya efootu eyo (E), ni muupuweleke etthu mukhanle anyu oohimya mpantta oni: “Atthu Akina Anihimya Wira” (F).
MPANTTA WOOKISERYA
Wanikisa wa yoosoma munoophwanya mipantta sini: “Iponto suulupale” ni “Wuuluula” (G). Mulepeke nihiku mmalinhe anyu yoosoma eyo. Mpantta oni: “Yoosoma ela kimalinhe nihiku” (H) aakhala malakiheryo a itthu munireerela anyu opaka. Vathi va “Nwehe Itthu Sikina” (I) munoophwanya soohimmwa sikina sinrowa wookhaliheryani wiiwexexa mwaha owo.
Moota woophwanya soolepa sa mBiibiliyani
Biibiliya orina iliivuru 66 saamukhaani. Nave okawanyiwe mipantta miili: Soolempwa sa eHeeberi ni Aramaiko (“Waataana wa Khalai”) ni Soolempwa sa Ekereku sa Ekristau (“Waataana wa Naanaano”).
Okathi eniromoliwa aya yoolepa ya mBiibiliyani, nimpacerya nsina na eliivuru ya mBiibiliyani (A). Nuumala-vo, ekapiitulu (B), enkiserya eversiikulu wala iversiikulu (C).
Mwa ntakiheryo, Yohani 17:3, enitaphulela eliivuru ya Yohani, ekapiitulu 17, eversiikulu 3.