Wiivahererya
Etthu xeeni ekhanle ooniiriha wiivahererya wa Yehova Muluku?
Otu 6:5; Luk 10:25-28; Wiis 4:11
Nave-tho munwehe Okh 20:5.
Naaphavelaka omukokhorela Muluku, nimooneleke sai Biibiliya?
Esa 119:105; 1 aTe 2:13; 2 Ti 3:16
Nave-tho munwehe Yoh 17:17; aHe 4:12.
Etthu xeeni Yehova opanke awe wiira onoopole itampi sahu ni xeeni vari aya vooloka osuwela eyo?
Onihela muhina exeeni ottharuwa mweettelo ahu wa khalai?
Soowiiraneya sa mbiibiliyani sa efaita yinceene:
Luk 19:1-10 — Zakeyo aari xeefi aahiiso mukhulupale mmosa a alipa-ooliviha mpoosito, aahittharuwa mweettelo awe woohiloka ni aahaattikiherya musurukhu aya atthu ale aawiyenrye awe.
1 Ti 1:12-16 — Murummwa Paulo aahitthokiherya moota aahiyale awe ni aaleveleliwe awe itampi sawe mwaha wa omoriwa ikharari wuulupale wa Muluku ni Kristu.
Ohiya paahi ottharuwa opaka itthu soohiloka, etthu xeeni ekina ninreerela ahu opaka?
Wiira Muluku eemererye omukokhorela wahu, mweettelo xeeni ninreerela ahu okhalana?
1 aKo 6:9-11; aKol 3:5-9; 1 Pe 1:14, 15; 4:3, 4
Soowiiraneya sa mbiibiliyani sa efaita yinceene:
1 aKo 5:1-13 — Murummwa Paulo aahaaleela anna a muloko wa oKorinto wiira yaahaana omukumiha mmulokoni mulopwana aarupihana moohiloka.
2 Ti 2:16-19 — Murummwa Paulo aahimuleela Timootheyo wiira aahaana okhootta moolumo a anamavirikanya, yaawo yaamwareela ntoko nikhwatta nimmwara-mwareya mweerutthuni.
Xeeni arumeyi a Muluku ahinreerela aya okhaliherya ikuvernu sa olumwenku ola?
Soowiiraneya sa mbiibiliyani sa efaita yinceene:
Yoh 6:10-15 — Nuumala Yesu opaka mwiiriirya wa waalyiha atthu muttitthi munceene, atthu ale yaaphavela omukhaliha mwene aya, masi Yesu aahikhuma onarowa.
Yoh 18:33-36 — Yesu aahihimya wiira Omwene awe khiwaavarihana ni ikuvernu sa olumwenku ola.
Munepa woowaarya onnikhaliherya sai omukokhorela Muluku?
Nave-tho nwehe Mit 20:28; aEef 5:18.
Yoowiiraneya ya mbiibiliyani ya efaita yinceene:
Mit 15:28, 29 — Nikhuuru noolamulela naari oYerusalemu naahilakiheriwa ni munepa woowaarya opaka yoothanla voohimya sa winnuwihiwa.
Mwa inamuna xeeni ninrowa ahu omutakiha Yesu Kristu okathi ninvara ahu muteko wa Muluku?
Xeeni makristau aniivahererya wa Muluku anireerela aya opatisiwa?
Mat 28:19, 20; Mit 2:40, 41; 8:12; 1 Pe 3:21
Soowiiraneya sa mbiibiliyani sa efaita yinceene:
Mat 3:13-17 — Yesu aahiivahererya opaka ele Tiithi awe aaphavela awe ni aahooniherya wiivahererya wawe opatisiwaka.
Mit 8:26-39 — Mukhulupale a wEthiyopia, yoowo aamukokhorela Yehova aahivekela opatisiwa nuumala wiixutta ihapari sooreera voohimya sa Yesu.