Ovilela

Soowiiraneya sa mbiibiliyani sa efaita yinceene:

• 2 Pe 2:5; Map 7:23; Mat 24:37-39 — Nnaamwi Nowe “aalaleya exariya”, atthu anceene khiyaaphavela onwiriyana, nto yena ni emusi awe ti yooponwe paahi okathi wa epula yuulupale.

• 2 Ti 3:10-14 — Murummwa Paulo aahirumeela ntakiheryo nawe na ovilela wiira omukhaliherye Timootheyo ovilela.

Soowiiraneya sa mbiibiliyani sa efaita yinceene:

• Map 4:3-11; 1 Yoh 3:11, 12 — Kayini aahimwiiva muhima awe aihaniwa Abeli, mwaha woowi miteko sawe Kayini saari sootakhala masi sa Abeli saari sooloka.

• Map 37:5-8, 18-28 — Okathi Yosefe aalenle awe axinnawe sooloha sawe sa efaita yinceene saakhuma wa Yehova, awo yaahimurihela mulittini ni yaahimutumiha ntoko epottha.

Soowiiraneya sa mbiibiliyani sa efaita yinceene:

• Dan 3:1-6, 13-18 — Xadraki, Mexaki ni Abedi-Nego yaahikhootta okokhorela elatarato hata mwene aawoopopiha wiira anwiiva.

• Mit 5:27-29, 33, 40-42 — Hata yoopopihiwa wiira yaamwiiviwa, arummwa khiyaahiyale olaleerya avilelaka.

Soowiiraneya sa mbiibiliyani sa efaita yinceene:

• Moot 20:9-12; Otu 3:23-28; 31:7, 8 — Profeta Moise aahiriipiwa murima okathi aattaruxiwe awe ni Yehova, masi hata vaari siiso, owo khaahiyale ororomeleya mpakha wanikisa wa okumi awe.

• 2 Ma 20:12-18; 2 Wa 32:24-26 — Okathi mwene Ezekiya aapanke awe etampi, profeta a Yehova aahimuttaruxa, nto Ezekiya aaheemererya ottaruxiwa ni khaahiyale omurumeela Yehova moororomeleya.

Soowiiraneya sa mbiibiliyani sa efaita yinceene:

• Esa 73:2-24 — Okathi nasalimo aaweha awe atakhali arina ene murettele, athaaciriki ni apuhaka, owo aaniikoha akhala wiira vaari vooloka ovilela ovaraka muteko wa Yehova.

• Yoh 6:60-62, 66-68 — Nnaamwi atthu anceene yaahiyale omutthara Yesu, murummwa Pedru aahilakela ohihiya omutthara Yesu ni ovilela.

Soowiiraneya sa mbiibiliyani sa efaita yinceene:

• Dan 6:4-11 — Hata atthu akina yampanke palano a omwiiriha etthu yootakhala, profeta Daniyeli khaahiyale ovekela nipuro atthu akina yaawerya aya onweha.

• Mat 26:36-46; aHe 5:7 — Ohiyu aarowa awe wiiviwa, Yesu aahivekela vanceene ni aahaatumererya atthu akina ohihiya ovekela.

Soowiiraneya sa mbiibiliyani sa efaita yinceene:

• Yoob 1:6-12; 2:3-5 — Satana onnimootherya Yehova wiira onnaareeliha atthu wiira amukokhoreleke. Yoobi aahivilela wiira ooniherye wiira Satana nawoothe.

• aRo 5:19; 1 Pe 1:20, 21 — Moovirikana ni Adamu, yoowo ahaamwiiwelenle Muluku, Yesu aahivilela moororomeleya mpakha wiiviwa, nto aahaakhula nikoho nla na efaita yinceene nni: Niireke mutthu ohirina etampi onoowerya ovilela mpakha wanikisa hata eehereriwaka vanceene?