Wuuluvala
Etthu xeeni eniiraneya okathi nnuuluvala ahu?
Yoowiiraneya ya mbiibiliyani ya efaita yinceene:
Nave-tho nwehe mpantta oni: “Nimaaliho — Mixankiho mwaha wa owereyasiwa ni wuuluvala”.
Mu 12:1-8 — Olepaka epoesia awe, mwene Salomoni aahihimya mixankiho sinikhumelela mwaha wa wuuluvala ntoko ohiweha saana (“alipa-òweha anottipha, ehonexexeké etthu”) ni ohiwerya wiiwa saana (“nsu nanyu nnimomalelani vakhani-vakhani”).
Niireke atthu oowuuluvala anoowerya ohihiya ohakalala hata arina ene mixankiho sinikhumelela mwaha wa wuuluvala?
Soowiiraneya sa mbiibiliyani sa efaita yinceene:
1 Sa 12:2, 23 — Profeta Samuweli aahuuluvala, masi aaniisuwela wiira vaari vooloka ohihiya waavekelela atthu a Yehova.
2 Sa 19:31-39 — Mwene Davidi aahixukhurela vanceene okhaliheriwa ni Barizilayi, yoowo ahaareere wuuluvala. Masi okathi Davidi anvekenle awe opaka itthu sikina ahaawerya awe, Barizilayi aahikhootta, maana aanisuwela wiira saahikhala itthu aawerya awe ni ahaawerya awe.
Esa 71:9, 18 — Mwene Davidi aanoova ohivahiwa miteko ni Yehova mwaha woowuuluvala, nto aahinvekela Yehova wiira onvahe ikuru para wiixuttiha maloko yaarowa orwa muhoolo.
Luk 2:36-38 — Profeta Ana, aari naamukhweli ni aahuuluvala, hata vaari siiso aahirelihiwa mwaha wa ohihiya omukokhorela Muluku ni ororomeleya.
Etthu xeeni enaakupaliha anna ni arokora oowuuluvala wiira aakhalana efaita para Yehova?
Esa 92:13-15; Mir 16:31; 20:29; Yes 46:4; Tit 2:2-5
Soowiiraneya sa mbiibiliyani sa efaita yinceene:
Map 12:1-4 — Okathi aarina awe iyaakha 75, Abrahamu aahivahiwa yoothanleliwa yaaturunke okumi awe wootheene.
Dan 10:11, 19; 12:13 — Nlaikha na Muluku naahirowa omuxukurya profeta Daniyeli, yoowo aarina iyaakha saavikana 90 ni naahimuleela wiira Yehova aaninvaha efaita yinceene Daniyeli ni aamutthuveliwa mwaha wa ororomeleya wawe.
Luk 1:5-13 — Yehova aahipaka etthu yootikiniha omwiirihaka Zakariya ni Elizabeti omuyara Yohani hata yuuluvanle vanceene.
Luk 2:25-35 — Yehova aahinvaha eparakha yuulupale mulopwana ahaareere wuuluvala aihaniwa Simeyoni onweha mwaana aarowa okhala Mesiya, nto Simeyoni aahikhaliheriwa ni Muluku ohimya eprofesia voohimya sa mwaana ole.
Mit 7:23, 30-36 — Profeta Moise aarina iyaakha 80, okathi yoowo Yehova aamuthanlale awe wiira aahooleleke atthu awe, niire so, aisarayeli.
Naathokoreryeke sai atthu oororomeleya yuuluvanle?
Soowiiraneya sa mbiibiliyani sa efaita yinceene:
Map 45:9-11; 47:12 — Yosefe aahiruma oroweliwa paapa awe aihaniwa Yakobe ni aahimukhapelela mpakha Yakobe okhwa.
Rut 1:14-17; 2:2, 17, 18, 23 — Ruti aahimukhaliherya Nowemi ni moolumo ni miteko sawe, yoowo ahaareere wuuluvala.
Yoh 19:26, 27 — Okathi aiviwa awe vamwirini va nihaaxeryo, Yesu aahinvekela murummwa Yohani, yoowo amphenta awe vanceene wiira omukhapeleleke Maria maama awe Yesu.