“Nikhaliheryo na Moota Wookawa Irevista, . . .”

Khula mweeri noolimalela okhalana epantte ya Muthukumano wa Orummwa ennikhaliherya moota wookawa irevista. Yoolakela aya khahiyo wuuluula itthu siri murevistani. Mpantta ola otthokihiwe wira onikhaliheryeke moota wookawa irevista. Moovarihana ni malakiheryo awo, munna onihoolela epantte ela, onnilavula itthu vakhaani soohakalaliha siri murevistani. Nuumala-vo, orumeelaka muru mmosa (wala muru ori vakaapani) owo onnavekela anna wira ahimye muupuwelo aya. Nto, khula mutthu onniwiriyana ni olepa malakiheryo oniphavela awe orumeela. Ohiya waavekela anna wira ahimye etthu yaasivenle, owo onaavekela wira ahimye makoho anirowa waasivela atthu a mmuttettheni, ni waavekela wira akomentari yoolepa akhanle aya oorumeela. Wanikisa, owo onnipaka yowooniherya ya khula erevista. Hiyo ninnitumereriwa wuuluula irevista nihinatthi orowa osalau, wira nawerye okomentari. Tthiri, wiilokiherya saana, onoonikhaliherya wira nlipihane mukina ni mukhwaawe.—Mir. 27:17.