Okisivela Vanceene Elapo ya oSerra Leoa

Epaaxina 169

Cindy McIntire

MWAAKHA OYARIWE AWE 1960

MWAAKHA OBATIZIWE AWE 1974

MWAHA ENE Misionaaria okhuma eyaakha ya 1992. Aahirumeela oGuiné ni oSenegal. Vano onirumeela oSerra Leoa.

ISUMANA piili nuumala ophiya oSerra Leoa kaahipacerya osiveliwa ni elapo ele. Kaanitikinihiwa oweha moota atthu yaawerya aya oteexa miritti soolemela vamuru moohixankiheya. Mittetthe sinceene saahisareya atthu. Anamwane yaanithweela ni wiina mphironi moohakalala, amanaka makhupi ni omana inawu. Miyo kaahirukureriwa ni ikoore, itthu soovara murima ni muusika.

Etthu enikisivela vanceene muttetthe ola ori olaleerya. Atthu oSerra Leoa waasivela owaakhela aletto. Awo annimuttittimiha Biibiliya ni ihapari sawe. Okathi woolaleerya, anamunceene annikaakhela mmawannyeya. Okathi kinikhuma aka vatthokoni, akina annikihoola mpakha wanikisa wa erua. Itthu iyo soohakalaliha sinnikikhaliherya ovilela mixankiho saamukhaani ntoko othowa wa maasi ni okathi ehinikhala aya energia.

Okhala wira miyo nkitheliwe, ikwaha sikina atthu annikikoha akhala wira ohaavo okathi kiniixona aka okhala mekhaka. Vekeekhai, khasireere itthu soopaka, nto nkinkhalana okathi wowuupuwela wira kiri mekhaka. Okumi kirina aka nno onnikiiriha ohakalala vanceene.

[Ipaaxina soohikhala etthu 5,6]