Soohimmwa

◼ Iliivuru sinrowa okaiwaka Novembro ni Dezembro: Biibiliya Oniixuttiha Exeeni Tthiri? wala ifolyeeto sa niinano, aahiiso, efolyeeto Osuwela Ekeekhai. Janero ni Feverero 2015: Ihapari Sooreera Sinikhuma wa Muluku! wala ibroxura sirina ipaaxina 32 sinittharelana: Munoowerya Okhala Mpatthani a Muluku!, Munwiriyaneke Muluku, ni Munwiriyaneke Muluku Wira Mphwanye Ekumi Ehinimala. Março ni Abril: Irevista Owehaweha ni Despertai!

◼ Wuupuwelela Okhwa wa Yesu mwaakha wa 2016 onrowa okhala Namararu, 23 a Março.

◼ Okhuma 1 a Janero, 2015, mareheryo oowi khula muloko ohaana orumeela eSaabadu yoopacerya ya khula mweeri wira nipacerihe soosoma sa Biibiliya, anoomala. Masi, anamalaleerya pooti okawa irevista ntoko anikawa aya iSaabadu sikina. Soosoma sa Biibiliya pooti ovaha khula okathi, nirumeelaka irevista wala iliivuru sikina.

◼ Ifeeriya ya woomalani wa mwaakha, sinnaavaha eparakha amiravo oobatiziwa wira akele opioneero wookhaliherya mweeri mmosa wala ovikana-vo. Nto ninnaatumererya amiravo ala, ni otheene yaale makhalelo aya aniweemererya okela opioneero wookhaliherya, wira avahererye vahinatthi eformulaario ya muteko owo. Yiira siiso, Ekomisau ya Muteko ya Muloko, enoowerya ovekela irevista ni iliivuru sikina siniphiyerya. Anna otheene anrowa weemereriwa okela opioneero owo, ahaana olaleiwa mmulokoni.—od-T epax. 113.

◼ Nlamulo na oMoçambique na Muteko wa Etoropa, ninvekela wira atthu otheene animaleliha iyaakha 18 arowe olempwa Nipuro Ninthanliwa Atthu Anrowa Etoropa (Centro de Recrutamento Militar). Khuta mwaakha okathi wa olempwa iwo onipacerya 1 a Janero mpakha 28 a Feverero. Axitokweene pooti owuupuxerya anamalaleerya yaale anaattamela iyaakha 18.