Iponto Suulupale sa Muteko Woolaleerya

Ti voohakalaliha ohimya wira 15 a Junyo 2014, yoograduwariwa eturma ya nenli ya Exikola ya Biibiliya ya Makristau Oothelana. Anna a eturma ela anirumeela mmuteko wa okathi wotheene ntoko mapioneero a vameekha aya, mapioneero a vameekha aya a okathi vakhaani, ni mamisionaario a mapuro oovirikana a oMoçambique. Ela yaari eturma yookiserya ya Exikola eyo, maana exikola ela enirowa wiihaniwaka Exikola Eniwiixuttiha Anamalaleerya a Omwene. Exikola ela enirowa owiixuttihaka anna oohithela, anna oothelana, ni arokora oohitheliwa yaawo anirowa othanliwaka ni efiliyaali ni aniwerya ovara miteko Muluku mapuro ootthuneya. Ninnaatumererya ale makhalelo aya aniweemererya, wira anvekeleke Yehova wira arowe exikola ela.