Iponto Suulupale sa Muteko Woolaleerya

Nnaamwi muteko woolaleerya oniphwanyihaka ohakalala, masi ninnitepa otteeliwa murima vaavo vanimphwanya ahu mutthu nnamusomiha Biibiliya mpakha wiiwexexa ekeekhai. Nto ti vootteeliha murima olaleya wira mweeri wa Abril, saahiirihiwa soosoma sa Biibiliya siniphiyerya, 96.057 ni saahikaiwa iliivuru siniphiyerya 49.337. Mwaattelo ola musya, onooniherya wira Yehova onnireeliha wiimananiha wahu okathi onaakhwaniherya ahu yooruma ya Yesu eri eliivuru ya Matheyo 28:19, 20. Nave, mwaattelo ola onnooniherya wira nlelo wookhala muteko munceene onitthuneya ovariwa muttetthe ahu. Nto khula namalaleerya ohaana opaka khula etthu eniwerya awe wira naakhaliherye atthu awo aniphavela osuwela ekeekhai ni otthara ephiro eniphwanyiha ekumi ehinimala.