Iponto Suulupale sa Muteko Woolaleerya

Nihiku 26 na Julyo, 2015 efiliyaali ya oMoçambique yaahiwaakhela anna a eturma yoopacerya yaagraduari Exikola Eniwiixuttiha Anamalaleerya a Omwene. Anna awo yaaphiyerya 24 yaahithanleliwa ovara miteko wa okathi wotheene soovirikana. Mwa ntakiheryo, akina yaahithanliwa okhala mapioneero a vameekhaaya a okathi vakhaani ni a okathi wotheene, anamaranttela a axitokweene a esirkwitu, ni mabethelita. Nto eturma ya nenli yahiiraneya mweeri wa Agosto, 2015.