MAKHALELO A MAKRISTAU
Yehova Onniwoopola Ale Ariipiwe Murima
Atthu ootheene ikwaha sikina anniriipiwa murima. Oriipiwa murima khontaphulela wiira mutthu owo khorina waamini woolipa. Hata Yehova ohooniherya wiira ikwaha sikina onniriipiwa murima. (Map 6:5, 6) Masi ankhi akhala wiira ninniriipiwa murima ikwaha sinceene aahiiso khula okathi?
Munvekeleke Yehova wiira ookhaliheryeni. Yehova onnithokorerya vanceene muupuwelo ahu ni makhalelo ahu. Onnisuwela okathi ninhakalala ahu ni okathi ninriipiwa ahu murima. Nave owo onnisuwela moota nnuupuwelela ahu ni moota nimpaka ahu itthu. (Esa 7:10b) Etthu yootepa ohakalaliha, okhala wiira Yehova onninikhaliherya ni onikhapelela wiira nixintte okathi ninriipiwa ahu murima. — Esa 34:19.
Mukhapeleleke muupuwelo ni murima anyu. Okathi ninkhulumuwa ahu ohiya paahi oriipiwa murima, masi eyo pooti ohonona ompatthani ahu ni Yehova. Mwaha waivaavo, vanooreera okhapelela murima ahu ni makhalelo ahu. — Mir 4:23.
NWEHE EVIIDIYU ENI: MOOTA AXINNIHU ANIPHWANYA AYA MURETTELE NNAAMWI AXANKAKA. NUUMALA-VO MWAAKHULE MAKOHO ALA ANITTHARELANA:
Itthu xeeni Nikki aapanke awe saamukhalihenrye okathi aariipiwe awe murima?
Nikki oonenle sai okathi aareerela awe okhaliheriwa ni meetiku? — Mat 9:12
Mwa enamuna xeeni Nikki ooniherya awe wiira aaniroromela wiira Yehova ammukhaliherya?