23-29 YA MARÇO

MIHAKHU SINIKHUMA MBIIBILIYANI

1. Mweetteleke ele Yehova oniwiixuttihaaweni

(10 min.)

Yehova onniwiixuttiha arumeyi awe. (Yes 48:17; Okumi Woohimala!, yoosoma 35 eponto 1)

Nihaana othanla omwiiwelela Yehova. (Yes 48:18a; Makoho Biibiliya onaakhula awe, mwaha 44 itti. 2-3)

Murettele anyu, waarowa okhalaka ntoko muro, nave exariya anyu, yaarowa okhalaka ntoko mawimpi a mphareya. (Yes 48:18b; Omphenta Muluku, muru 17 epaax. 199 etti. 8.

Murokora eettaka ophareya, okathi nsuwa ninkela aya.

OTTHOKIHERIWA: Nuulumo noowi “murettele”, nttaava na eheeperi pooti otaphulela okumi, ovareleleya, okhala saana, opatthani ni ororomeleya.

2. Itthu sa efaita sa mbiibiliyani

(10 min.)

Yes 48:17 — Ninttottela sai mureerelo vaavo ninkomentari ahu omithukumanoni? (Owehaweha 01/2019 ipaax. 9-10 etti. 7)

Mwaakhule va
Itthu xeeni sa efaita siphwannye anyu okathi mwaamusoma anyu Biibiliya esumana ela?

Mwaakhule va

3. Omuleeri Biibiliya

(4 min.) Yes 48:9-20 (Wiixuttiha, yoosoma 11)

MUKHALELEKE NTHITI MUTEKO WOOLALEERYA

4. Ovaanela woopacerya

(3 min.) OLALEERYA MOOHIILOKIHERYA. Mmulattule mutthu ohiyale orowela mithukumano, wiira awiriyane mwaha wa vameekhaaya, ni muthukumano wa wuupuwelela. (Waaphenta Atthu, yoosoma 5 eponto 3)

5. Ohihiya waakhaliherya

(4 min.) OLALEERYA MOOHIILOKIHERYA. Mmutthokiherye mutthu owo etthu eniiraneya muthukumano wa wuupuwelela. (Waaphenta Atthu, yoosoma 9 eponto 3)

6. Ohihiya waakhaliherya

(5 min.) OLALEERYA MOOHIILOKIHERYA. Nuumala mwaha a wuupuwelela, mwaakhule makoho a mutthu oonihenrye osiveliwa. (Waaphenta Atthu, yoosoma 8 eponto 3)

MAKHALELO A MAKRISTAU

7. Itthu nikhanle ahu oopaka wiira nittottele mureerelo nihiku nootepexa okhalana efaita

(15 min.) Mwaha.

Vaavo ninrowela ahu muthukumano wa wuupuwelela khula mwaakha, ninnooniherya wiira ninnimwiiwelela Yesu. Nave ninnooniherya oxukhurela wahu ele Yehova onivahale awe, eyo piiyo, yoowoopola. (Luk 22:19) Nihiku nlo, ninnuupuxeriwa moota Yehova ni Yesu anniphenta aya. (Aka 2:20; 1Yoh 4:9, 10) Ninrowa wooniherya sai oxukhurela wahu yoowoopola? Ninrowa waakhaliherya sai atthu akina oxukhurela ele Yehova onivahale awe?

Musomeke ni muupuweleleke soolepa sa mbiibiliyani sa okathi wa wuupuwelela.
Muupuweleleke yoowoopola ni moota mukhanle anyu oowooniherya oxukhurela wanyu, mukhalanaka mweettelo wooloka.
Muluttuweliweke muteko woolaleerya okathi wa ekampaanya, ni mwaalattuleke anamwaattamanani anyu vamosa ni amusi, wiira arowele muthukumano wa wuupuwelela ni yawiriyane mwaha wa vameekhaaya.
Nwaakheleke saana atthu anirweela muthukumano owo, mwaakhomaseke ni mukilaathiki naawo. Mwaathokoreryeke saana atthu ootheene arwenle muthukumano owo, ohiya paahi ale mwaalattunle anyu.
Mukhaleke oolikana ene wiira mwaakhule makoho a atthu arwenle muthukumano owo.
Nvahe ephoole wiira nwaakhele atthu ahiyale olaleerya ni orweela mithukumano. Axitokweene ahaana okhala oolikana ene wiira awaakhele ale ahiyale okhala Namoona a Yehova.

Efootu enikhumela nviitiyuni: “Yesu aarwenle ‘waaphavela atthu arimenle, wiira awopole.’ ” Anna ni arokora avaanelaka, Empa ya Omwene, ohiyu wa nihiku na wuupuwelela okhwa wa Yesu.

Nwehe EVIITIYU Yesu aarwenle “waphavela atthu arimenle, wira awopole”. Nuumala-vo, mwaakohe alipa-oowiriyana nikoho ninttharelana:

Moovarihana ni eviitiyu, etthu xeeni mwiixuntte anyu sa owaakhela ale ahiyale orowela mithukumano ni olaleerya, nihiku na wuupuwelela?

Mwaakhule va

8. Yoosoma ya Biibiliya ya muloko

(30 min.) Mwiixutte myaha sa Biibiliya, yoosoma 72 ni 73.