4-10 YA MAIO

YESAYA 58-59

Nsipo 21 ni nivekelo | Masu oopacerya (1 min.)

MIHAKHU SINIKHUMA MBIIBILIYANI

1. Yehova onimooreelihani vanceene

(10 min.)

Mukhaleke oowaakhela aletto. (Yes 58:7-9)

Muheleke nipuro noopacerya omukokhorela wanyu Yehova. (Yes 58:13, 14; Owehaweha 12/2021 epaax. 5 etti. 13)

Mukupaliki wiira Yehova onimookhapelelani. (Yes 59:1; Owehaweha 15/01/2013 epaax. 13 itti. 5-6)

MWIIKOHEKE SO: Xeeni aisarayeli yahaareelihiwe aya ni Yehova? Ntakiheryo naya, ninkiixuttiha exeeni? (Yes 58:1-5; Perspicaz, vol. 2 epaax. 28 etti. 3)

Maama ni anaawe anli axithiyana, akilaathale ene owannyeya ni asomaka eliivuru “Aprende do Grande Instrutor”.

2. Itthu sa efaita sa mbiibiliyani

(10 min.)

Yes 59:2 — Xeeni Yehova enimunanara aya vanceene etampi? (Owehaweha 08/2024 epaax. 3 etti. 4)

Mwaakhule va
Itthu xeeni sa efaita siphwannye anyu okathi mwaamusoma anyu Biibiliya esumana ela?

Mwaakhule va

3. Omuleeri Biibiliya

(4 min.) Yes 59:1-12 (Wiixuttiha, yoosoma 10)

MUKHALELEKE NTHITI MUTEKO WOOLALEERYA

4. Ovaanela woopacerya

(3 min.) OLALEERYA EMPA NI EMPA. Mpacerihe ovaanela murumeelaka efolyeeto. (Waaphenta Atthu, yoosoma 1 eponto 5)

5. Ovaanela woopacerya

(4 min.) OLALEERYA MOOHIILOKIHERYA. Nvaanele ni mutthu owo, murumeelaka eponto emosa eri apendise A ebroxuura Waaphenta Atthu. (Waaphenta Atthu, yoosoma 2 eponto 4)

6. Mwaha

(5 min.) Waaphenta Atthu, apendise A eponto 16 — Muru: Nihaana ovekelaka voohihiyererya. (Wiixuttiha, yoosoma 8)

MAKHALELO A MAKRISTAU

Nsipo 100

7. “Mukhalaneke yoolema ya owaakhela aletto”

(15 min.) Mwaha ni makoho vakhaani.

Paulo aahaatumererya makristau ohimyaka wiira: “Mukhalaneke yoolema ya owaakhela aletto.” (Aro 12:13) Ale anitthara malakiheryo ala, anoophwanya mareeliho manceene. — Mir 11:25.

Ifootu saamukhaani sinikhumela eviitiyu eni: “Mukhale Mpatthani a Yehova —⁠ Mukhaleke Oowaakhela Aletto”. Pedro ni emusi awe, yaakhelaka owannyeya emusi emosa epacenrye niinaano orowela mithukumano.

Nwehe EVIITIYU Mukhale Mpatthani a Yehova — Mukhaleke Oowaakhela Aletto. Nuumala-vo, mwaakohe alipa-oowiriyana makoho anittharelana:

Nilavulaka sa owaakhela aletto, exeeni mwiixutte anyu ni eviitiyu ela?

Mwaakhule va
Mireerelo xeeni muniphwanya anyu mwaha wa owaakhela aletto?

Mwaakhule va

Yehova ti ntakiheryo nuulupale na owaakhela aletto. (Mit 14:17) Mmusome Otumererya 10:17, 18. Nuumala-vo, mwaakohe alipa-oowiriyana makoho anittharelana:

Enamuna Yehova oniwaakhela awe aletto, oniwiixuttihani exeeni?

Mwaakhule va
Mireerelo xeeni nimphwanya ahu vaavo ninwaakhela ahu atthu akina, hata ahikhanle amusi wala apatthani ahu?

Mwaakhule va
Matakiheryo xeeni a owaakhela aletto mphwannye anyu mbiibiliyani, nave aniwiixuttihani exeeni?

Mwaakhule va
Muupuweleke enamuna ya owaakhela aletto ni mulepe-va yoolakela anyu:

Mwaakhule va

8. Yoosoma ya Biibiliya ya muloko

(30 min.) Mwiixutte myaha sa Biibiliya, yoosoma 82 ni 83