31 A AGOSTO–6 A SETEMBRO
YEREMIYA 31
Nsipo 27 ni nivekelo | Masu oopacerya (1 min.)
1. “Kinrowa . . . opaka nivarihano na niinaano”
(10 min.)
Yehova aahihimya wiira aarowa orantteliha Nlamulo aavahiwe Moise ni “nivarihano na niinaano”, nenno naarowa okhala mahiku ootheene ni waakhaliherya atthu. (Yer 31:31, 32; Owehaweha 15/10/2014 epaax. 15 etti. 7)
Nivarihano na niinaano naarowa okhala na Yehova ni atthu a Isarayeli a Muluku ni naamunikhaliherya oleveleliwa itampi sahu. (Yer 31:33, 34; Owehaweha 12/2024 epaax. 11 etti. 9)
Nave nivarihano na niinaano ninnaakhaliherya makristau a ipwittipwitthi sikina. (Owehaweha 15/03/2010 epaax. 27 etti. 14; Jeremias, epaax. 177 etti. 18)
2. Itthu sa efaita sa mbiibiliyani
(10 min.)
Yer 31:15 — Eprofesia ela, yiiraneyale sai? (Owehaweha 15/12/2014 epaax. 21 itti. 5-6)
Itthu xeeni sa efaita siphwannye anyu okathi mwaamusoma anyu Biibiliya esumana ela?
3. Omuleeri Biibiliya
(4 min.) Yer 31:1-11 (Wiixuttiha, yoosoma 12)
4. Ovaanela woopacerya
(3 min.) OLALEERYA EMPA NI EMPA. Munvahe mwaneene etthoko yoosoma ya Biibiliya. (Waaphenta Atthu, yoosoma 4 eponto 3)
5. Ovaanela woopacerya
(4 min.) OLALEERYA MOOHIILOKIHERYA. Murumeele mpantta oni: Amiravo annikoha, mwaha 106 wiira mmukhaliherye naskola mukhwiinyu, yoowo onuupuwela wiira prusoore awe onimuthokorerya mwa enamuna yoohiloka. (Waaphenta Atthu, yoosoma 3 eponto 3)
6. Otthokiherya sookupali sanyu
(5 min.) Mwaha. Makoho Animakela Okohiwa, mwaha 37 — Muru: Xeeni Anamoona a Yehova ahiniirela aya mpantta epoliitika? (Wiixuttiha, yoosoma 14
Nsipo 67
7. Murumeeleke esaiti JW.ORG
(15 min.) Mwaha ni makoho vakhaani.
Hiyo ninniimananiha osuwela myaha sinrowa waasivela atthu nnaalaleerya ahu. Ikwaha sikina, mwaneene etthoko pooti opaceriha mwaha hiyo nihinsuwela ahu ni nihilokihenrye ahu. Okathi owo, etthu xeeni enrowa onikhaliherya?
Nwehe EVIITIYU “Eyuuma ennoniwa ni eyuuma ekhw’aya” — Orumeela esaite JW.ORG — Eviitiyu yaamukhaani. Nuumala-vo, mwaakohe so alipa oowiriyana:
Nkahaya muupuwele mulaleeryaka empa ni empa okathi wa ekampaanya, vano mwaaneene etthoko onooleelani wiira khonikupali wiira Muluku ookhala, mwaha woowi khaamukhalihenrye okathi saamukhumelenle aya mixankiho.
Nihinatthi omulaleerya naarowa omooniherya sai wiira ninnimoonela othunku? — Yak 1:19
Yoolepa xeeni mwaarowa anyu omooniherya? Munrowa ophwanya sai yoolepa eyo murumeelaka esaiti jw.org?
Akhala wiira yoolepa ene khamunuupuwela, mwaarowa olepa exeeni mpantta oni: Ophavelasa wiira mwaakuve ophwanya?
Akhala wiira khamurina jw.org aahiiso JW Library®, mwaarowa omukhaliherya sai mwaneene etthoko?
8. Yoosoma ya Biibiliya ya muloko
(30 min.) Mulipe murima mmuroromelaka Yehova, ekapiitulu 6