Myaha Sinithokoreriwa

Arumeyi a Yehova annoona wira wiipa onniirela mpantta muulupale wa omukokhorela Yehova. Masi akina pooti wuuleliwaka muru wiipa ohoolo wa atthu. Ninrowa wiixutta sai omwiipela isipo Yehova nihoovelelaka? Mwaha ola onninivaha mathowa oowiipa voohakalala ni onnivaha malakiheryo a moota wowiixutta wiipa saana.

Hiyo pooti wiixutta itthu sootthuneya ni mareheryo a mittetthe sa ntthyawelo sa wIsarayeli wa khalai. Mwaha woopacerya ninrowa oweha moota mutthu otthenke okhanle awe oomutthyawelela Yehova olelo-va. Mwaha wa nenli, ninrowa oweha moota ntakiheryo na Yehova ninnikhaliherya aya waalevelela akina, ottittimiha okumi ni wooniherya exariya.

Myaha iya miili sikumihiwe epaphelo Paulo aalepenle awe maKristau aKolosi. Mwaha woopacerya onnitthokiherya etthu yoopaka okathi ninwiriyana ahu muupuwelo onikhala wira ti wooloka. Mwaha wa nenli onnitthokiherya moota wokhootta miyuupuwelo saarowa oniiriha ohaakhela mareeliho a Yehova.