Myaha Sinithokoreriwa

Exeeni nintthuneya ahu opaka okathi nnoona ahu wira mixankiho sahu ti soovila ovilela? Mwaha ola ninrowa olavula voohimya sa yoolepa ahu ya mwaakha 2018. Nave ninrowa wiixutta nthowa naya nintthuneya ahu olipihiwa ni Yehova ni moota owo onrowa awe onivaha ikuru.

Eyaakha ela, Wuupuwelela Okhwa wa Yesu onrowa okhala eSaabadu, 31 a Marso 2018. Ninrowa wiilokiherya sai mwaha wa nihiku nlo? Mureerelo xeeni muthukumano owo onrowa aya oniphwanyiha? Moota xeeni Wuupuwelela okhwa wa Yesu oniwiiraniha aya arumeyi otheene a Muluku? Mwaha ola ninrowa oweha waakhuliwa wa makoho ala.

Itthu sotheene nirina ahu nivahiwe ni Yehova. Masi owo oonivaha eparakha ya omuttikiherya yena, nirumeelaka mireerelo sahu wira nikhaliherye mutthenkeso awe. Nthowa naya? Mureerelo xeeni oniphwanya ahu okathi nninvuwiha ahu Yehova ni itthu sa faita nirina ahu? Mwaha ola, ninrowa othokorerya waakhuliwa wa makoho ala.

Mwaha woopacerya onithokorerya moota omphenta Muluku oniphwanyiha aya ohakalala wekeekhai, ohiya ophenta itthu sa olumwenku ola. (2 Timótheyo 3:1) Mwaha wa nenli onitthokiherya moota arumeyi a Muluku anivirikana aya ni anamunceene olelo-va.