Myaha Sinithokoreriwa

Myaha iya miili sinrowa onikhaliherya ophenta vanceene ekeekhai ya Yehova. Eyo ti yootepa otthuneya ovikana itthu nilenve ahu wira niixutte. Nave nnimwiixutta itthu sinrowa onikhaliherya othokorerya ekeekhai ntoko muhakhu. Nave-tho, myaha iya sinoonitumererya ohihiya ekeekhai ya Yehova aahiiso oturuka ni etthu ekina.

Eliivuru ya Habakuki ennooniherya moota nikhanle ahu ovikaniha omuroromela Yehova okathi wa mixankiho. Mwaha ola onoonikhaliherya woona wira hata nikhalanaka mixankiho sinceene, weehereriwa ni woona owereya, Muluku onniwerya onoopola okhala wira ninnimuroromela.

Vaavo nintepa ahu omwaattamela Yehova, nnoosuwela wira muupuwela awe ti muulupale ovikana wawihu. Myaha iya miili, ninrowa woona moota woosyaka muupuwelo ahu weettihiwa ni olumwenku ni moota nikhanle ahu oolokiherya wira olikaneke ni wa Yehova.