• Mwene Onnaalokiherya Atthu Awe Momunepani
    Omwene wa Muluku Onnilamulela!

    • 1-3. Exeeni Yesu aapanke awe okathi aaphwanye awe etemplo enanarihiwaka?

      YESU aanittittimiha vanceene etemplo oYerusalemu maana aanisuwela ele yaataphulela aya. Okhuma khalai etemplo yaari opuro muulupale wa okokhorela wekeekhai valaponi. Masi okokhorela iwo, eyo piiyo, omukokhorela Muluku oowaarya Yehova, ohaana okhala wooloka ni wootteelihiwa. Nkahaya muupuwele, moota Yesu oonenle awe okathi waaphiyale awe otemplo 10 a Nisani 33 EC, nto khuphwanya enanarihiwaka. Exeeni yiiraneya?​—Mmusome Matheyo 21:12, 13.

      2 Vanivateni na Amalapo, alipa-anakoso ananrima ni ale yaakakhanya musurukhu yaaniwiiyerya atthu yaarwa onvaha mikuttho Yehova.a Yesu “ahiwomola-mo atthu yatumiha ni yathuma mpani memmo. Ahipittula mesa a àlipa-òwakakhanya musurukhu ni minyukhu s’ale yatumiha ipomba”. (Mulikanyiherye ni Nehemiya 13:7-9.) Owo aahaapwapwela atthu ale a nrima yaapaka empa ya Tiithi awe okhala “nikhuku n’anawiye”. Tthiri Yesu aanittittimiha etemplo ni ele yaataphulela aya. Okokhoreliwa Tiithi awe, waahaana okhala wooloka!

  • Mwene Onnaalokiherya Atthu Awe Momunepani
    Omwene wa Muluku Onnilamulela!

    • a AYuda ale yaaxukurya etemplo yaahaana oliva mpoosito wa khula eyaakha, nto atthu ale yaakakhanya musurukhu yaaniwiiyerya musurukhu okathi yaakakhanya aya. Ohiya-vo, atthu ale woonasa wene atthu yahaana othuma inama wira avahe mukuttho. Yesu aahaahimya anamatumiha ale okhala “anawiye”, okhala wira yaanitumiha ni musurukhu munceene wala yaanivekela musurukhu munceene mwaha wa miteko yaavara aya.