• Exeeni Enrowa Wookhaliheryani Ohihiya Omusoma Biibiliya
    Okumi Woohimala!​—Kursu a Biibiliya

    • 4. Mooniherye wira munnivaha efaita omusoma Biibiliya

      Okathi mukina, ninnaatteliwa miteko nihinakhalana okathi woomusoma Biibiliya. Nto etthu xeeni enrowa onikhaliherya? Mmusome aFilipi 1:10, nuumala-vo mwaakhule makoho anittharelana:

      • Itthu xeeni munoona anyu okhala “sootepa oreerela” mookumini?

      • Munrowa wooniherya sai wira munnivaha efaita omusoma Biibiliya?

      A. Ifootu: Ifootu sinooniherya epalti erina maluku ni mihaava. 1. Epalti erina mihaava ni epalti erina maluku maalupale. 2. Maluku ari waattamela epalti esanre mihaava. 3. Maluku ari vasulu va mihaava mpaltini ni makina ari ene vathi. B. Ifootu: 1. Epalti emosaru esareyale ene maluku ekina esareyale ene mihaava. 2. Epalti emosaru yaattamenle esareyale ene maluku maalupale. 3. Mihaava siri ene mmalukuni ni mihaava iyo soosareya mpakha vasulu. Mihaava vakhaani siri vasulu va maluku.

      1. Akhala wira munipacerya ohela mihaava mpaltini, nuumala-vo munahela maluku, maluku awo khanrowa okela

      2. Masi akhala wira munrowa opacerya ohela maluku, mihaava iyo sotheene sinookela. Mwa enamuna emosaru, akhala wira munoopaceriha ohela mookumini mwanyu itthu “sootepa oreerela”, munookhalanaka okathi wira nvareke itthu sikina

      Omusoma Biibiliya onninikhaliherya omusuwela Muluku ni omukokhorela. Mmusome Matheyo 5:3, nuumala-vo mwaakhule nikoho ninttharelana:

      • Mareeliho xeeni ninrowa ahu ophwanya akhala wira nnoovaha efaita omusoma Biibiliya?