Nahimiya
7 Dirssay zaarettidi gimbbettin sohuwara taani sanqqata aattaas; hegaappe simmin, penggiya naagiyageeti, yexxiyageetinne Leewati sunttettidosona. 2 Qassi taani ta ishaa Hananiꞌa, qatuwa gadaawaa Hananiyara issippe Yerusalaame bolli sunttaas, ayssi giikko, Hananee keehi ammanettiyanne hara darotuppe aaruwan tumu Xoossawu yayyiya asa. 3 Hegaa gishshawu, taani etayyo hagaadan gaas: “Xalqqee hoꞌana gakkanaashin Yerusalaame penggeti dooyettana koshshenna, qassi penggiya naagiyageeti bantta oosuwa polanaappe kase sanqqata gorddananne korana* koshshees. Amaridaageeti bantta moodettidosan* naaganaadan, harati qassi bantta keettaappe sintta baggaa naaganaadan Yerusalaamen deꞌiyageeta mooddite.” 4 Katamay aahonne gita, qassi an amarida asa xallay deꞌees, keettatikka zaarettidi keexettiichchibookkona.
5 Shin xoqqa maataawati, sima maataawatinne asati xaafettanaadan eta issippe shiishshana mala, Xoossay hegaa ta wozanan wottiis. Taani omoodduwappe koyro simmidaageeti deꞌiyo, so asaa maaran xaafettida maxaafaa demmaas, qassi an xaafettidabay hagaa:
6 Hageeti Baabiloone Kawoy Nebukadanaxori omooddidi Baabiloone efiido, guyyeppe Yerusalaamenne Yihudaa, bantta katamaa katamaa simmida, omoodduwappe kiyida, moottan* deꞌiya asata; 7 eti Zarubaabeelaara, Yeshuwara, Nahimiyara, Azariyara, Raꞌamiyara, Nahamanaara, Marddekiyosaara, Bilishanaara, Mispperetaara, Bigiwayara, Nehumaaranne Banayara yiidaageeta.
Hagee Israaꞌeela attuma asaa qoodaa: 8 Parosha attuma naati, 2,172; 9 Shefaxiya attuma naati, 372; 10 Araha attuma naati, 652; 11 Yeshuwanne Yoꞌaba attuma naatuppe, Pahat-mooꞌaaba attuma naati, 2,818; 12 Elaama attuma naati 1,254; 13 Zattu attuma naati, 845; 14 Zakkaya attuma naati, 760; 15 Binuya attuma naati, 648; 16 Bebaya attuma naati, 628; 17 Azggada attuma naati, 2,322; 18 Adoniqama attuma naati, 667; 19 Bigiwaya attuma naati, 2,067; 20 Adina attuma naati, 655; 21 Hizqqiyasa naꞌaa, Axera attuma naati, 98; 22 Hashuma attuma naati, 328; 23 Bezaya attuma naati, 324; 24 Harifa attuma naati, 112; 25 Gabaꞌona* attuma naati, 95; 26 Beeteliheemenne Nexofa asati, 188; 27 Anatota asati, 128; 28 Bet-azimaweta asati, 42; 29 Qiriyat-yeꞌarima, Kefiranne Beꞌerota asati muleera, 743; 30 Raamanne Geba asati, 621; 31 Mikimasa asati, 122; 32 Beeteelenne Aya asati, 123; 33 hinkko Nebo asati, 52; 34 hinkko Elaama attuma naati, 1,254; 35 Harima attuma naati, 320; 36 Yarkko attuma naati, 345; 37 Loda, Hadidanne Onoꞌa attuma naati, 721; 38 Senaaꞌa attuma naati, 3,930.
39 Kahineti hageeta: Yeshuwa keettaappe Yedaya attuma naati, 973; 40 Immera attuma naati, 1,052; 41 Pashihura attuma naati, 1,247; 42 Harima attuma naati, 1,017.
43 Leewati hageeta: Hodewa attuma naatuppe, Qadimiꞌeela keettaappe, Yeshuwa attuma naati, 74. 44 Yexxiyageeti hageeta: Asaafa attuma naati, 148. 45 Penggiya naagiyageeti hageeta: Shalluma attuma naata, Axera attuma naata, Talmmona attuma naata, Aqquba attuma naata, Haxixa attuma naatanne Shobaya attuma naata, muleera 138.
46 Xoossaa keettan* haggaaziyageeti* hageeta: Ziha attuma naata, Hasufa attuma naata, Tabbaꞌota attuma naata, 47 Qerosa attuma naata, Siꞌa attuma naata, Padona attuma naata, 48 Lebana attuma naata, Hagabaha attuma naata, Shalmmaya attuma naata, 49 Hanana attuma naata, Giddeela attuma naata, Gahara attuma naata, 50 Reꞌaya attuma naata, Rezina attuma naata, Neqoda attuma naata, 51 Gazzama attuma naata, Uzza attuma naata, 52 Besaya attuma naata, Meꞌunima attuma naata, Nefushesima attuma naata, 53 Baqibuqa attuma naata, Haqufa attuma naata, Harihura attuma naata, 54 Bazilita attuma naata, Mehida attuma naata, Harshsha attuma naata, 55 Barqqosa attuma naata, Sisera attuma naata, Temaha attuma naata, 56 Neziya attuma naatanne Haxifa attuma naata.
57 Solomona ashkkaratu attuma naati hageeta: Soxaya attuma naata, Sofereta attuma naata, Perida attuma naata, 58 Yaaꞌila attuma naata, Darqqona attuma naata, Giddeela attuma naata, 59 Shefaxiya attuma naata, Haxila attuma naata, Pokeret-hazzebayma attuma naatanne Amoona attuma naata. 60 Xoossaa keettan haggaaziyageetinne* Solomona ashkkaratu attuma naati muleera, 392.
61 Qassi hageeti Tel-melappe, Tel-harshshappe, Kiruubappe, Addonappenne Immerappe kiyidi yiidaageeta gidikkonne, bantta aawatu keettaanne bantta kochchaa, qassi eti Israaꞌeela asakkonne geeshshidi erissana danddayibeennaageeta: 62 Delaya attuma naata, Xobbiya attuma naatanne Neqoda attuma naata, muleera 642. 63 Kahinetuppe hageeti deꞌoosona: Habaya attuma naata, Haqqoxa attuma naata, qassi Barzzillaya attuma naata; I Giliꞌade asa gidiya Barzzillaya macca naatuppe issinno ekkidi, bolluwa sunttan bawu xeegettiis. 64 Hegeeti bantta mayzza aawatu sunttaa xaafettidaban koyidaba gidikkonne, demmibookkona; hegaa gishshawu, eti kahinetettan haggaazennaadan digettidosona.* 65 Urimanne Tumima baggaara zoriya oychchiya kahinee denddana gakkanaashin, aybippekka aadhdhiya geeshshabaappe eti maana bessennaagaa haariyagee* etawu yootiis.
66 Kumetta galchchaa asay muleera, 42,360, 67 he qoodan, 7,337n eta attumanne macca aylleti deꞌokkona; qassi yexxiya 245 attumaageetinne maccaageeti etayyo deꞌoosona. 68 Eta parati 736, eta baquloti 245, 69 eta gaameelati 435, eta hareti 6,720.
70 Aawatu keettaa kaalettiyageetuppe amaridaageeti oosuwassi koshshiyabaa immidosona. Haariyagee* 1,000 worqqa dirakimaa,* 50 keretanne 530 kahinetu maayuwa, buquraa wottiyosawu immiis. 71 Qassi aawatu keettaa kaalettiyageetuppe amaridaageeti 20,000 worqqa dirakimaanne 2,200 bira minaniya* buquraa wottiyosawu immidosona. 72 Attida asay 20,000 worqqa dirakimaa, 2,000 bira minaniya, qassi 67 kahinetu maayuwa immiis.
73 Kahineti, Leewati, penggiya naagiyageeti, yexxiyageeti, asaappe amaridaageeti, Xoossaa keettan haggaaziyageetinne* Israaꞌeelatuppe attidaageeti ubbay* bantta katamatun qatidosona. Laappuntta aginay gakkido wode, Israaꞌeelati bantta katamatun deꞌiyogaa doommidosona.