STUDY 18

Make Your Audience Learn From Your Talk

1 Corinthians 9:19-23

WETIN YOU NEED TO DO: Help your audience think and make sure say they learn something from your talk.

First check wetin your audience don already know. Instead of you to just de repeat wetin them don already know, help them to see the topic for another way.

When you de talk about wetin people don already know, talk-am quick-quick. But when you de talk about wetin them never know before, talk-am slow-slow.
Do research and think about your material. If e dey possible, use some new information or wetin de happen for news to make your main point clear. Think well about your material and how e connect with the point wey you de talk about.

As you dey check your material, de think about questions like ‘wetin, why, when, where, who and how.’ Use question and answer to put life for wetin you de teach until you finish your talk.
Show why the message dey important. Explain how the advice from Bible fit help your audience for their life everyday. Discuss particular thing wey e happen, and other things wey your audience fit learn from.