LESSON 07
Which Kind Person Jehovah Be?
When you think of Jehovah God, which kind person you think say e be? You de think say na person wey we fit really respect, but e dey far from you just as stars far from earth? Or you de think say God no be person but na something with power just as thunder get power but no be person? How Jehovah really be? Bible tell us the kind person wey Jehovah be and e still tell us say Jehovah de care for you.
1. Why we no fit see God?
“God na Spirit.” (John 4:24) Jehovah no get body like us. Jehovah na Spirit. E de live for heaven where we no fit see.
2. Wetin be some of the qualities wey Jehovah get?
We no fit see Jehovah. But as we de learn to know Jehovah, this one de make us love Jehovah because Jehovah na real person with fine-fine qualities. Bible talk say: “Because Jehovah like correct things, e no go leave the people wey de hold-am tight.” (Psalm 37:28) “The love wey Jehovah get really deep and e get pity,” especially when people de suffer. (James 5:11) “Jehovah dey near people wey de feel say their own don finish; e de save people wey life don tire.” (Psalm 34:18, footnote) And you know say we fit make Jehovah dey happy or sad for the way we de live our life? When person decide to do bad things, that person de make Jehovah sad. (Psalm 78:40, 41) But when person do the correct things, e de make Jehovah happy.—Read Proverbs 27:11.
3. How Jehovah de show say e love us?
The number one quality wey Jehovah get na love. The truth be say, “God na love.” (1 John 4:8) No be only Bible Jehovah de use show us say e love us, e still de use the things wey e don make to show us say e love us. (Read Acts 14:17.) For example, make we talk about how God make us. E give us the power to see fine-fine colors, we fit hear fine song, we fit taste sweet food. This one show say Jehovah really want make we enjoy life.
LEARN MORE THINGS
Learn wetin Jehovah de use to do fine-fine things. And see how Jehovah de show us e fine-fine qualities.
4. Holy spirit na the power wey God de use
Just the way we de use our hand do work, na so Jehovah de use e holy spirit. Bible talk say, holy spirit no be person, but na the power wey Jehovah de use do things. Read Luke 11:13 and Acts 2:17, and talk about this questions:
God go “pour” e spirit ontop any person wey ask for the spirit. So, you think say holy spirit na person or na the power wey God de use? Why you answer like that?
Jehovah de use e holy spirit to do wonderful things. Read Psalm 33:6 and 2 Peter 1:20, 21, and talk about this question:
Wetin be some ways wey Jehovah don use e holy spirit?
5. Jehovah get fine-fine qualities
Moses na faithful servant of God, but e still want know more about God. So Moses tell God say: “Make you help me know your ways, so that I go fit know you.” (Exodus 33:13) Jehovah answer Moses and tell Moses the kind person wey E be. Read Exodus 34:4-6, and talk about this questions:
Which qualities Jehovah tell Moses say E get?
Which qualities of Jehovah really touch you?
6. Jehovah de care for people
Israel people de serve God and they be slaves for Egypt. How Jehovah feel when them de suffer e people for Egypt? Play the AUDIO and follow as them de read, or read Exodus 3:1-10. After, talk about the questions for under.
Wetin this story tell you about how Jehovah de feel when people de suffer?—Check verse 7 and 8.
You think say Jehovah really want help people and say e get the power to do-am? Why you answer like that?
7. The things wey Jehovah make de show us the fine-fine qualities wey e get
Jehovah de use the things wey e don make to show us the fine-fine qualities wey e get. Play the VIDEO. Then read Romans 1:20, and talk about the question for under.
Which qualities of Jehovah you de see for the things wey e don make?
SOME PEOPLE DE TALK SAY: “God no be person, na spirit and e dey everywhere.”
Wetin you think?
Why you feel like that?
WETIN THIS LESSON TEACH
Jehovah na Spirit wey we no fit see and e get fine-fine qualities like love.
Wetin You Don Learn?
Why we no fit see Jehovah?
Wetin be the holy spirit?
Wetin be some fine-fine qualities of Jehovah?
LEARN OTHER THINGS
Learn about the four better qualities wey Jehovah get so that you go know more about Jehovah.
See proof to show say God no dey everywhere just as people de talk.
See why Bible talk say holy spirit be like the hand of God.
E no easy for one blind man to believe say God really de care. See wetin make the man change e mind.
“Now I De Feel Say I Fit Help Other People” (The Watchtower, October 1, 2015)