Burudẹ r’aburunhiin, iloghonhaạn ḍighaạgh ibạm anmụny phọ anyinha ogbạ omheremhị omheeraam mọ abidị mọ Olemhiạ odi ni. Nyinha etue ni eeḅeghiọn rumhuoghaạph dị edi siphẹ jw.org dị eghaạph ilọ olhẹm mọ r’ilọ itughemhị oḍuạ iyaạr oten iyaạr. Ipẹ reten, kụ eeḅeghiọn emhuoghaạph dị oọny phọ anạ aatughiạn mọ keloghonhaạn ni bunhọn ḍighaạgh onhaghanhạn mọ Olemhiạ odi ni. Toma nyodị osighẹ eten dị edugh ogbiran r’oye dị amheera mọ bidị oghaạph. Esi omaạm, oye dị r’odị rokị ghan askul atue ni aḅẹm mọ: “Mị rameeraam ghan raraạr dị mị katue amiịn, kụ Enhaạn mị k”omhiịn ghan.” Odị atue ni apagharanhaạn mọ: “Eḍighi maạr dị nạ aghị egbogh eekpuạ kụ amhiịn ghuḍia, nạ kaḅẹm ni mọ oye kụ o/guph ḍughụm? Iniin phọ kẹn ni, aḅirinhi phọ r’araraạr phọ yira romiịn bọ eḍeenhaan mọ Olemhiạ odi ni!” w24.12 18 ¶16

Oomo yira omoghi ni iiḅakiọm orue osopha osopha dị amhạn maạr iboom siẹn aghuḍum mọ ayira. Yira kotue ni omoọgh iiḅakiọm mọ iphẹn phọ ḍighaạgh ikumor awe ookpomhoghan phọ ḅilhẹ r’abumor r’abumaranhi dị mosi omhanhanhaạm. Eḍighi maạr dị bidị kụ oḍighi ikumor awe ayira, yira ku/ḅẹm mọ opọ phọ oroma ageedidi bịn ophogh ogunhọm. AZihova akạr rawạ mọ yira otuughạ iyaạr ḍighaạgh abuphẹ asiạ phọ meghị bọ anyụ. Bidị kụ momhiịn raraạr, oḅilhẹ omoọgh onhaghanhạn aḍughụm r’osụ olhoghi upu iyira. Mem aBaibul phọ, aZihova asighẹ ni we dị okpẹ oḍuomolhoghi akparamhiọm aḅilhẹ aaḅakiọm we phọ odị. Esi omaạm, Mozis, Devid, ḅilhẹ r’otelhedom mọ Jọn. Bidị urọl li simem dị egbaranhaạn, kụ asidọl phọ abidị igbaranhaạn kẹn ni. Rekpụl bọ dị bidị komugh, bidị ungọ ni iḍoọgh phọ oromha dị aḍighi olọ osụ-olhoghi. Torobọ onyọ abidị aghaạph ghan odọ idị onhaghanhạn Enhaạn emhạn maạr. Mughumọ asiạ ayira meghị obobọ yira oḍighi ni iḍoọgh, yira kotue ni omooghọm suọ ooḅeghiọn ghan oromha phọ abidị.—Rom 15:4; 2 Tim. 3:16. w24.11 8 ¶1-2

Siḍio phọ aNoa, Enhaạn agbiemhi ni omhạr awe aạ iḅaạl. (Gen. 9:3, 4) Kụ mem mọ Izrạl, Enhaạn aḅilhẹ ni alhọgh olhogh phọ ophọn phọ mọ awe phọ Izrạl iḅaạl ku/bạ. Ḅilhẹ mọ “oghiigh ghan” torobọ oye dị aạ iḅaạl. (Lev. 7:27, igẹ dị edi ude.) AZizọs adạph ni olhogh phọ opọ phọ. (Mat. 5:17-19) Esi iduọn phọ, ke/ḍighi osụ-olhoghi dị aZizọs kaḅenhị we aJu phọ mọ aạ iphulupul obobọ iḅaạl odị. Siẹn phọ aZizọs aḍighinhom oghaạph omaaniọm, idiphọ odị aḍighinhom bọ mem mọ odị aḅenhị bọ anhịr olọ aSameria phọ mọ: “Amuụm mọ mị kangọ bọ kaḍighi oonụ adir loor oye phọ, kụ akil ghan angọ ghuḍum k’agee-pọ.” (Jọn 4:7, 14) Siẹn phọ aZizọs o/ḅenhị ghan anhịr olọ aSameria phọ mọ emoọgh okạr amuụm dị odị kapughọl bịn amoọgh ghuḍum k’agee-pọ. Iniin phọ kẹn ni, aZizọs o/ḅenhị ghan ḍita awe phọ odị aghaaphạn bọ epẹ Kapaniọm mọ bidị kotọl k’agee-pọ eḍighi maạr dị bidị aạ okạr iphulhupul phọ r’iḅaạl phọ odị. w24.12 9 ¶4-6