Ізгі хабарды уағыздауымыздың ең басты себебі — біз Ехоба Құдай мен оның киелі есімін жақсы көреміз. Біз қызмет етуді сүйікті Құдайымызды мадақтаудың жолы деп білеміз. Аянда айтылған сөздерге сай, Ехоба “даңққа, құрмет пен күш-құдіретке ие болуға лайық!” Қызметшілері ретінде біз Ехобаны даңқтап, құрметтеп, оған күшімізді бере аламыз. Қалай? Адамдарға “бәрін жаратқан” Ехоба екенін және оның арқасында өмір сүріп жатқанымызды айтатын болсақ, оны даңқтап, құрметтейміз. Ал уақытымызды, күшімізді, қолда барымызды барынша қызметке арнаған кезде, Ехобаға күшімізді береміз (Мат. 6:33; Лұқа 13:24; Қол. 3:23). Бір сөзбен айтқанда, біз Ехобаны жақсы көргендіктен, ол жайлы айтқанды да жақсы көреміз. Сондай-ақ біз өзгелерге Ехобаның аты жайлы және оның артында тұрған тұлға жайлы айтқымыз келеді. w24.05 17-б., 11-абз.

Ехоба қазірдің өзінде бізге тыныштық пен қанағат сыйлап отыр. Ал болашақта мәңгілік өмір береді. Біз Ехобаға жүз пайыз сенімділікпен үміт арта аламыз. Өйткені оның бізге сый беруге қалауы да бар, құдіреті де жетеді. Осыған сенімді болсақ, Ехобаға барымызды салып ғибадат етуге талпынамыз. Осындай сенімділік Ехобаның бұрындағы қызметшілеріне де талпыныс берген. Солардың бірі — бірінші ғасырда өмір сүрген Тімөте (Евр. 6:10—12). Тімөте тірі Құдайға үміт артқан (Тім. 1-х. 4:10). Сондықтан да ол жан сала еңбек етіп, күш салған. Мысалы, елші Пауыл оны қауымда және қызметте тәлім беру жағынан жақсаруға талпындырған. Сондай-ақ Пауыл оған жастарға да, үлкендерге де үлгі көрсетуді айтқан. Бұдан бөлек, Тімөтеге қиын тапсырмалар берілді. Мысалы, ол қажет кездері қатаң, бірақ сүйіспеншілікпен кеңес беру керек болған (Тім. 1-х. 4:11—16; Тім. 2-х. 4:1—5). Ол Ехоба сый беретініне сенімді болды (Рим. 2:6, 7). w24.06 22, 23-б., 10, 11-абз.

Ехоба халқын ескертіп, түзету үшін оларға пайғамбарларын жіберіп отырған. Мысалы, Еремия арқылы Ехоба былай деген: “Уа, сатқын Исраил, маған қайта орал... Саған қабақ шытып қарамаймын, өйткені мен адалмын,— дейді Ехоба.— Мен мәңгі ашулана бермеймін. Тек өз кінәңді мойындасаң болғаны, өйткені Ехоба Құдайыңа қарсы шықтың” (Ерм. 3:12, 13). Ал Жоел арқылы: “Әлі де болса шын жүректен маған қайтыңдар”,— деген (Жоел 2:12, 13). Ишая арқылы болса былай деген: “Тазарыңдар, Зұлым істеріңді көз алдымнан құртыңдар. Жамандық жасауды доғарыңдар!” (Ишая 1:16—19). Езекиел арқылы да Ехоба былай деген: “Мені зұлым адамның өліміне қуанады дейсіңдер ме? Жоқ, қайта, теріс жолынан қайтып, өмір сүрсе, соған қуанамын... Мен ешкімнің де өліміне қуанбаймын. Сондықтан маған бет бұрыңдар да, өмір сүріңдер” (Езек. 18:23, 32). Адамдардың өкінгенін көргенде Ехоба шын жүректен қуанады, өйткені олардың шексіз, мәңгі өмір сүргенін қалайды! w24.08 9-б., 5, 6-абз.