Jehobari errespetu handia diogunean, bera asko maite dugunez, ez dugu inoiz berari atsegin ez zaion ezer egin nahi. Zuzena eta okerra, eta egia eta gezurren arteko desberdintasuna zein den ikasteko prest gaude. Era horretara, Jehobaren aprobazioa lortu dezakegu (Esa. 2:3-6; Heb. 5:14, NWT). Gizakiari diogun beldurra Jainkoari diogun errespetua baino handiagoa bada, egiatik aldendu gaitezke. Azter dezagun 12 espioien pasartea. Gizon hauek Promestutako Lurraldea espiatzera joan ziren. Hamar espioik honakoa esan zuten kanaandarrei buruz: «Ezin diegu eraso, gu baino indartsuagoak baitira» (Zen. 13:27-31). Hamar gizon hauek kanaandarrei zieten beldurra, Jehobari zioten maitasuna baino handiagoa zen. Egia da giza ikuspuntutik kanaandarrak indartsuagoak zirela. Baina israeldarrek ezingo zituztela beraien etsaiak menderatu esatea, Jehoba kontuan ez hartzea bezala zen. w24.07 9-10 ¶5-6

Jehobak pertsonak epaitzen dituen bakoitzean, ziur egon al gaitezke berak beti erabaki zuzena hartzen duela? Bai. Abrahamek ulertu zuen moduan, Jehoba, «lur osoko Epailea», perfektua, erabat zuhurra eta errukitsua da. Gainera, bere Semea trebatu du, eta pertsona guztiak epaitzeko ardura eman dio (Joan 5:22). Bestalde, Jehobak eta Jesusek gizaki bakoitzaren bihotzean zer dagoen jakiteko gaitasuna dute (Mat. 9:4). Beraz, pertsona bakoitza epaitzean, «zuzena dena» egingo dute beti. Izan dezagun Jehobarengan eta bere erabaki guztietan konfiantza izateko determinazioa. Honakoa onartzen dugu: guk ez dugu epaitzeko gaitasunik; baina Jehobak bai (Is. 55:8, 9). Horregatik, epai guztiak Jehoba eta Jesusen esku uzten ditugu konfiantza osoz. Gainera, badakigu gure Errege Jesusek modu perfektuan imitatzen dituela Jehobaren justizia eta errukia (Is. 11:3, 4). w24.05 7 ¶18-19

Bihotz zintzoa izatearen garrantzia ulertzeko, azter dezagun zer gertatu zen Jesusek Natanael ezagutu zuenean. Felipek bere lagun Natanael Jesusi aurkeztu zionean, Jesusek honakoa esan zuen berari buruz: «Hona benetako israeldar bat, faltsukeriarik gabea». Jesusen hitzek atentzioa deitzen dute, hori izan baitzen Natanael ikusi zuen lehen aldia (Joan 1:47). Jesusek Natanael bereziki zintzoa zela ikusi zuen. Natanael, gu bezala, inperfektua izan arren, faltsukeriarik gabeko pertsona zen. Jesusek asko miresten zuen ezaugarri hau, eta horregatik goraipatu zuen Natanael. Jehoba pozteko, 15. Salmoan agertzen diren baldintza gehienak besteak tratatzeko moduarekin lotuta daude. Esaterako, 15. Salmoa 3 (NWT) bertsetaren arabera, Jehobaren dendan bere gonbidatua denak «ez du bere mingainarekin kalumniatzen, ez dio bere lagun hurkoari ezer txarrik egiten eta ez du bere lagunen izen ona zikintzen». Besteak kalumniatzen baditugu, besteei kalte handia eragiteaz gain, ezingo dugu Jehobaren dendan bere gonbidatuak izan (St. 1:26). w24.06 10 ¶7; 10-11 ¶9-10