Na nikamihedho na muya wokoddela attu enji ali awali, abure vina ohikuluveleya ahikosa matxinjo manddimuwa mwigumini mwawa. (Iza. 65:25) Na ovilibihedha awene ahiwodha ottiya mikalelo dhawa dhabure. (Ef. 4:22-24) Ebaribari wi sabwa ya ohiligana wehu ninele odhowavi nikosaga dhovonya. Mbwenyi Yehova onowawiwananiha “athu etene” animukwela vina ankwelana muttu na mukwaye, yodhelavoya, iyo ninokana murenddele vina wiwanana webaribari. (Tit. 2:11) Aba matikiniho agawodhile bahi Mulugu wowodha-wodha okosa!Iyo ninoziwa wi mapikirhelo a Yehova dila dhotene anowakwanihedheya. (Iza. 55:10, 11) Kuloga paraizu womuyani ohikalawo. Yehova ohawiwananiha anamudhi animulabela vina ahinladdanihiwa. Mwari mwa nlogo na Yehova enowodheya okana murenddele ekalaga ninga nili vawavene wa elabo eji yabure. (Ms. 72:7) Jijuwene ennittukulela wakamihedha attu enjene wi avitaganyihe na iyo mwari mwa anamudhi aba ali orugunuwa elabo yotene. Enowodheya okosa ejuwene sabwa ya ozuzumela mabasa a wakosa anamafwara.—Mt. 28:19, 20. w24.04 23 ddima 13, 15

Yezu wanimukwela Yehova na mubuwelo waye wotene. Iyene wanziwa ejile yanfunana Yehova vina wali womala-nawale wi akose, masiki akala agahitabuwa sabwa yokosa ejuwene. Yezu wanfwaseyela okosa efunelo ya Babe, nona kattiyile elobo-txilobo ozuzumiha yogana yaye. Pedro vina arumiwi ena ahikana gari ya vawoka ya okala na Yezu mudhidhi mwinjene vina osunza mukalelo wobuweliye. Pedro valebiliye karta yaye yoroma yovudheleliwa, wahakokomeza Akristu wi akaane mubuwelo wakakene wa Kristu. (1 Pe. 4:1) Na elogelo yoroma elebiwena Bibilia, murumiwi Pedro mulebeliye nzu ntti: “Mukane” iyene ohilabihedha nzu ninaloga anyakoddo anna dhipano wi avisasanyedhele odhowa mukoddoni. Nona Akristu agasunza wubuwela ninga Yezu, anele owodha okaana dhinfunani wi awanena efunelo ya okosa eli yabure vina na elabo ejino enlamuleliwa na Satana.—2 Ko. 10:3-5; Ef. 6:12. w25.03 8-9 ddima 1-3

Txini enfwanyeliwe oziwa mwaha wa muttuya mudhidhi oneddelelana nyuwo? Ohinatti wunuwiha efunelo na muttuya egahikala yapama kuroma ologela makani amakamaka, ninga dhogana dha muttuya. Onawodhe dhavi omuziwa deretu muttuya? Mukalelo mmodha wamakamaka ku ologa na muttuya se ovuba elo, omukosa mavuzo vina onvuruwana. (Tia. 1:19) Wi ejo ewodheye, japama okosa dhilobo dhinawuttukuleleni ologa makani, ninga oja vamodha, wedda vamodha mmimburoni muli attu vina olaleya vamodha. Enowodheya vina oziwana pama mugatamela mudhidhi wa okala na anamudhi vina amarho enyu. Ottiya ejo katamela okosa dhilobo dhinalagihe merelo a muttuya agakala na attu ottiyana-ttiyana vina mmimburhoni mottiyana-ttiyana. w24.05 27-28 ddima 6-7