Dénè gbò gyóòlo Bàrì ólò ié dùùlà bá deè tṍ, tùle, kpènà, nè dõona kà gbò nú e bà íe bíi ló. Ene kà nú ea zógè kọọ̀ Jìhóvà ólò tú tẽ̀ènè íb bá sẹ̀ẹ̀mà dénè nen deè nieí dú kọ à náa kọọ̀ Kpá Káí á láá iná ló dénè gbò e bà di bàlà booí. Dém bel Híbrù, Aramaic, nè Gríìk ní e ba beè emá Kpá Káí é. Sõò, é kọọ̀ gbò e bà láá bugi vaá dã́ gbò dém belá ié kà lé gbaa ló kilma ló Jìhóvà èlmà gbò e bà dã́? Ẽ́èe, níì vó nì. (Máát. 11:25) Jìhóvà náa bãàài kóò boo béè íb tọọ̀ kpá e ni sí àbèè kọọ̀ è láà dã̀ vaá bugi gbò dém bel e ba beè emá Kpá Káí. Jìhóvà tú a nyìmànù nè dénè gbò e bà di boo kunukẽ̀í e náa dẹẹa boo be ba beè sí pọ̀b tọọ̀ kpá àbèè bà gáà sì. Baa tab Kpá Káí ea dú Moǹ Bel Bàrì nvee mm̀ gã́bug dém bel naa ní e gbò e bà di beeá ló bàlà booí a íe bélé lọl ló nú e Kpá Káí nóòmà vaá láá dú a kóò.​—2 Tím. 3:​16, 17. w24.06 6-7 ¶13-15

Kyọ̀àsĩ́ e Jíízọ̀s beè kọ àé dọ́ boo pá Júùa beè dũ̀ùà iná kuló. Gbò e bà géè nyoone nvéè Kráìst beè ié nèà deè ge tú tṍó ea sígáá naamá nú ea é náa kọ bàá ié ĩ̀ìmà vaá naa kọ ba zìgà á kpáá palàge agaló. (Híb. 10:25; 12:​1, 2) Pọ́ì ńkem̀ tṍó àla, beele é kpeesĩ́ ló tã̀àgã̀ ea palàge bọọ èl níí e pá Júù e bà géè nyoone nvéè Kráìst beè kpeesĩ́ lóá. (Máát. 24:21; Kùùà 16:​14, 16) Naanii èé ló bel boo sìgà nú eé láá nó lọl ló dùùlà bá deè tṍ e Jìhóvà beè nè gbò e bà géè nyoone nvéè Kráìst e ba beè di tṍóá ea é nveè nàgé bá nè beéle deè nieí. Mm̀ kpá lẹ̀ẹ̀la tóm e Pọ́ọ̀l e Jíízọ̀s beè lẹ̀ẹ̀là beè emí má pá Júù e bà géè nyoone nvéè Kráìst, a beè siè va kpóó ló kọ bàá palàge nó Kpá Káí. (Híb. 5:14–6:1) Mm̀ kpá lẹ̀ẹ̀la tómá, Pọ́ọ̀l beè tú nú ea di mm̀ Kpá Káí e ba beè emí mm̀ dém bel Híbrù bààmà tẽ́ nú ea náa vaá ãa sĩ́deè e gbò e bà gé nyoone nvéè Kráìst gé fãàmà Jìhóvà à palàge lee ẹ̀l bé e gbò e bà di mm̀ bõ̀ònaló fã̀ pá Júù gé fã Bàrì naa. Pọ́ọ̀l beè nyimá kọọ̀ ge palàge dã́ ból ló gbò kà-kà bel ea di mm̀ Kpá Káí é nveè bá nè pá Júù e bà géè nyoone nvéè Kráìst kọ bàá kìn gbò kyáá nòòmànù ea é láá dàgẹ̀ va. w24.09 8-9 ¶2-3; 10 ¶6

Gbò nyòòne nvéè Jíízọ̀s beè ié bíi ló sìà kpóó ló. Ló éé? Sìgà ọ̀và beè sọ̀bá ba be, pá ba tọ, nè ba pííla nyoone nvéè Jíízọ̀s. (Máát. 19:27) Ba beè biigè ló sìgà ọ̀và boo béè kọ bà nyoone nvéè Jíízọ̀s. (Jṍòn 9:22) Ba beè di kpènà ló gè mòn tã̀àgã̀, sọ̀bá dénè nu vaá biia nvéè Jíízọ̀s boo béè kọ bà dẹlẹ nyíé boo kọọ̀ ẹlẹ ní ea dú Mèsáíà e Bàrì beè zìgàa ẹ. (Máát. 16:16) Sõò tṍó e bà fẹ́ Jíízọ̀s, nyíé va beè palàge bììlà vaá lóó va beè ọọ boo béè kọ bà náa beè nyimá nú ea é nááá. Jíízọ̀s beè dã́ ból ló kọọ̀, à bọ́ló kọ nyíè pá a gbò nyòòne nvée á bììlà kọ bà fẹ́ẹ̀ẹ. A beè nyimá kọọ̀ ge kọ nyíé va biilà náa zógè kọ bà náa íe zìgà. Vó beè naa kọ á dààmà togó gè siè kpóó ló pá a gbò nyòòne nvée kà lèlà deé ea kẽeà aa kemà ú. Dì belí nu dòòmà bá, a beè sila ló Mérì ea dú boǹ Màgdálà tṍó ea géè tò gbẹá gã́ a bànà ú. (Jṍòn 20:​11, 16) A beè sìlà nàgé ló bàà kà pá a gbò nyòòne nvée gbẹá èèlè tṍó e bà géè kil Ẹméíọ̀s. Vaá a beè sìlà nàgé ló Pítà. w24.10 13 ¶5-6