Murid-muridé Yésus butuh disemangati. Soalé, kanggo dadi muridé Yésus, ana sing kudu ninggalké omahé, keluargané, lan usahané. (Mat. 19:27) Sing liyané ya ana sing diedohi wong-wong ing sekitaré. (Yoh. 9:22) Meréka réla melakukan kuwi kabèh merga percaya nèk Yésus kuwi Mésias sing dijanjèkké. (Mat. 16:16) Tapi wektu Yésus dipatèni, meréka dadi sedhih banget lan patah semangat merga ngrasa nèk sing diharapké ora kelakon. Yésus maklum nèk murid-muridé sedhih wektu dhèwèké mati. Yésus ya ngerti nèk meréka sedhih kuwi dudu merga ora nduwé iman. Makané, bar diuripké manèh, Yésus langsung nguwatké murid-muridé. Misalé, dhèwèké nemoni Maria Magdaléna sing lagi nangis ing kuburan. (Yoh. 20:​11, 16) Yésus ya nemoni loro muridé sing lagi mlaku arep ing désa Émaus. Terus, Yésus ya nemoni Rasul Pétrus. w24.10 13 ¶5-6

Ajaken anak-anak persiapan bèn dhèwèké isa njelaské kepercayaané soal Pencipta. Njenengan isa mbahas sèri artikel ”Pertanyaan Anak Muda—Penciptaan atau Evolusi?” ing jw.org. Terus saka artikel-artikel kuwi, kongkonen dhèwèké milih penjelasan sing masuk akal lan bakal gampang ditampa. Bar kuwi, isa ngadakké sèsi latihan. Terus nèk ana sing berminat, njelaskéné aja sing rumit-rumit, tapi sing sederhana waé lan gampang dipahami. Misalé ana kanca sekolah sing ngomong, ”Aku ora percaya Gusti Allah, soalé aku durung tau ndelok Dhèwèké.” Mungkin anaké njenengan isa njawab, ”Bayangna nèk kowé mlaku-mlaku ing hutan sing terpencil. Terus kowé ndelok ana omah sing apik, padahal ing kono ora ana sapa-sapa. Menurutmu, omah kuwi ujug-ujug ana dhéwé, utawa ana sing nggawé? Nèk omah waé ana sing nggawé, alam semesta lan kabèh makhluk hidup mesthiné ya ana sing nyiptakké, ta?” w24.12 18 ¶16

Bèn isa nggawé keputusan sing bener, awaké dhéwé butuh naséhat lan saran-saran. Kuwi isa saka para pinituwa utawa para sedulur liyané sing luwih berpengalaman. Nèk meréka wis lansia, aja nganggep nèk naséhaté meréka wis ketinggalan jaman. Yéhuwah péngin awaké dhéwé nampa naséhaté para lansia. Meréka luwih berpengalaman, nduwé akèh pengetahuan, lan luwih wicaksana timbang awaké dhéwé. Kanggo nguwatké lan nuntun umaté jaman mbiyèn, Yéhuwah nggunakké para lansia sing setya, misalé Musa, Daud, lan Rasul Yohanes. Meskipun situasi, latar belakang, lan jamané béda-béda, pas arep mati, meréka padha-padha ngekèki naséhat soal pentingé manut karo Yéhuwah. Nah bèn kabèh umaté saiki, ora soal enom utawa tuwa, ya isa éntuk manfaat, Yéhuwah nulis naséhat kuwi ing Alkitab.—Rm. 15:4; 2 Tim. 3:16. w24.11 8 ¶1-2