ပှၤအံၣ်စရ့လးဖိ အစီၤပၤလၢအသးတီတဖၣ်န့ၣ် ယဟိဝၤယွၤ ထံၣ်အဝဲသ့ၣ် ဒ်ပှၤလၢ အဘူၣ်ထီၣ်ဘါထီၣ်အီၤ လၢကျဲမ့ၢ်ကျဲတီ. ဘၣ်ဆၣ် စီၤပၤတနီၤလၢ ယဟိဝၤယွၤ ထံၣ်အဝဲသ့ၣ် ဒ်ပှၤလၢ အသးတတီဘၣ်န့ၣ် အါတက့ၢ် အဝဲသ့ၣ် တဒိကနၣ် ယဟိဝၤယွၤ အတၢ်သိၣ်တၢ်သီလၢၤဘၣ် ဒီးအဘူၣ်ထီၣ်ဘါထီၣ် ယွၤလၢအကမၣ်တဖၣ်. (၁ စီၤပၤ ၂၁:၂၅, ၂၆; ၂ ကွဲး ၁၂:၁) ဘၣ်မနုၤအဃိ တၢ်ဘူၣ်ထီၣ်ဘါထီၣ် အမ့ၢ်အတီန့ၣ် အရ့ဒိၣ်လၢ ယဟိဝၤယွၤ အဂီၢ်လဲၣ်. ပမ့ၢ်ကွၢ် စီၤပၤတဖၣ်န့ၣ် အိၣ်ဒီးမူဒါလၢ ကမၤစၢၤ ပှၤဂီၢ်မုၢ်လၢ ကဘူၣ်ထီၣ်ဘါထီၣ် ယဟိဝၤယွၤ လၢကျဲမ့ၢ်ကျဲတီ. ဒီးပှၤဂီၢ်မုၢ်တဖၣ် မ့ၢ်ဘူၣ်ထီၣ်ဘါထီၣ် ယွၤလၢအကမၣ်န့ၣ် အဝဲသ့ၣ် ကမၤဘၣ် တၢ်ကမၣ်ဖးဒိၣ်လၢအဂၤ ဒီးအဝဲသ့ၣ် တရ့ဒီးပှၤဂၤဂ့ၤဂ့ၤဘၣ်. (ဟိၤ ၄:၁, ၂) တကးဒံးဘၣ် စီၤပၤ ဒီးပှၤအံၣ်စရ့လးဖိတဖၣ် ကဲဝဲ ယဟိဝၤယွၤ အပှၤဂီၢ်မုၢ်လံအဃိ အဝဲသ့ၣ် မ့ၢ်တတီဒီး ယဟိဝၤယွၤ ဒီးဘူၣ်ထီၣ်ဘါထီၣ် ယွၤလၢအကမၣ်တဖၣ်န့ၣ် လီၤဂာ်ဒ်သိးဒီး အဝဲသ့ၣ်ကဲပှၤလၢ အအဲၣ်ဘၢတၢ်. (ယံး ၃:၈, ၉) ပှၤလၢအအဲၣ်ဘၢတၢ်န့ၣ် အမၤဘၣ်ဒိဝဲ အသးသမူတံၤသကိး လၢအတီဒီးအီၤ အသးနးမး. ဒ်န့ၣ်အသိး ယဟိဝၤယွၤ အပှၤဂီၢ်မုၢ်တဂၤဂၤ မ့ၢ်ဘူၣ်ထီၣ်ဘါထီၣ် ယွၤလၢအကမၣ်န့ၣ် အဝဲသ့ၣ် တတီဒီး ယဟိဝၤယွၤလၢၤဘၣ် ဒီးအမၤဘၣ်ဒိ ယဟိဝၤယွၤ အသးဒိၣ်မး.—၅ မိၤ ၄:၂၃. တၢး၂၄.၀၇ ၂၂-၂၄ ¶၁၂-၁၅

ဖဲတၢ်အိၣ်ဖှိၣ်သးပှၢ်တဖၣ် မၤစၢၤ ပှၤလၢ ပှၤထုးထီၣ်ကွံာ်အီၤ လၢတၢ်အိၣ်ဖှိၣ်အပူၤအခါ အဝဲသ့ၣ် ဂုာ်ကျဲးစၢးကွၢ်လိ ယဟိဝၤယွၤ အတၢ်သးကညီၤ. အဒိ ဖဲပှၤအံၣ်စရ့လးဖိ တပိာ်ကျဲဘၣ်အခါ ဒ်သိးအဝဲသ့ၣ် ကပီၢ်ယၢ်လီၤက့ၤသးအဂီၢ် ယဟိဝၤယွၤ မၤစၢၤဆိအဝဲသ့ၣ် ဒီးအတအိၣ်ခိးတုၤလၢ အဝဲသ့ၣ် အဲၣ်ဒိးပီၢ်ယၢ်လီၤက့ၤသးဘၣ်. ယဟိဝၤယွၤ ပာ်ဖျါထီၣ် အတၢ်သးကညီၤအံၤ ခီဖျိ ဝံဟိၤၡ့ ဒီးအမါအတၢ်လဲၤခီဖျိ. ဝံဟိၤၡ့အမါ မၤတၢ်ကမၣ် ဒီးတပီၢ်ယၢ်လီၤက့ၤသးဒံးဘၣ် သနာ်က့ ယဟိဝၤယွၤမၢ ဝံဟိၤၡ့ ပျၢ်အမါအတၢ်ကမၣ် ဒီးက့ၤကိးအီၤ. တၢ်လဲၤခီဖျိအံၤ သိၣ်လိပှၤလၢ ယဟိဝၤယွၤ အိၣ်ဒီး တၢ်သးကညီၤဖးဒိၣ်ညါ တမ့ၢ်ဧီၤ. (ဟိၤ ၃:၁; မၤ ၃:၇) တၢ်အိၣ်ဖှိၣ်သးပှၢ်တဖၣ် ကွၢ်လိယဟိဝၤယွၤ အတၢ်သးကညီၤအဃိ အဝဲသ့ၣ် အဲၣ်ဒိးဝဲ သပှၢ်တၢၢ်လၢ ပှၤမၤတၢ်ကမၣ်တဂၤ ကပီၢ်ယၢ်လီၤက့ၤသး ဒီးကမၤစၢၤအီၤဒ်သိး အဟဲက့ၤ ကညီအဂီၢ်. ပထံၣ်ဘၣ် ယ့ၣ်ၡူး တဲတၢ်အဒိ ဘၣ်ဃးဒီး ဖိခွါလၢ အဟးဖျိးအဂ့ၢ်. ဖဲအပါ ထံၣ်စိ အဖိခွါဟဲက့ၤအခါ အပါ “လဲၤဃ့ၢ်လၢ [အဖိခွါ] အအိၣ်, ဖိးဟုအီၤ ဒီးနၢမူအီၤ ကဖီလီဖိ.” (လူၤ ၁၅:၂၀) ပထံၣ်ဘၣ်လၢ ပါတဂၤန့ၣ် အဲၣ်အဖိခွါအဃိ အတအိၣ်ခိးဝဲတုၤလၢ အဖိခွါ ဟဲဃ့ပျၢ် အတၢ်ကမၣ်ဘၣ်, အလဲၤဃ့ၢ်ဆိလၢ အဖိခွါအအိၣ်. တၢး၂၄.၀၈ ၂၈ ¶၇-၈

ဒ်လံာ်စီဆှံအဆၢလၢ တနံၤအံၤ ပာ်ဖျါထီၣ်ဝဲအသိး ပသ့ၣ်ညါဘၣ်လၢ ယဟိဝၤယွၤန့ၣ် အတပံဒံဘၣ် ဒီးအသးအိၣ်ဟ့ၣ် ပှၤဂၤလၢ အတၢ်ကူၣ်သ့. ဖဲယဟိဝၤယွၤ ဟ့ၣ်လီၤပှၤ တၢ်ကူၣ်သ့အခါ “အတဒူပှၤ” မ့တမ့ၢ် “အတဃု ပှၤတၢ်ကမၣ်ဘၣ်.” ဒီးဖဲပဃ့ အတၢ်ဟံးစုနဲၣ်ကျဲအခါ ပတလိၣ်သးကိၢ်လၢ အကဒူပှၤ ဒီးထံၣ်ကမၣ်ပှၤဘၣ်. နီၢ်ကီၢ်န့ၣ် အအဲၣ်ဒိးလၢ ပကဃ့ တၢ်ဟံးစုနဲၣ်ကျဲ လၢအအိၣ်. (ကတိၤ ၂:၁-၆) မ့မ့ၢ်ပှၤမီၤ. ပကွၢ်လိ ယဟိဝၤယွၤ ဒီးသူပတၢ်ကူၣ်သ့လၢ ကမၤစၢၤပှၤဂၤ ကသ့ဒ်လဲၣ်. (စံး ၃၂:၈) ယဟိဝၤယွၤ အခ့အပှၤတဖၣ် အိၣ်ဒီးတၢ်ခွဲးတၢ်ယာ် အါမးလၢ ကမၤစၢၤက့ၤပှၤဂၤ ဘၣ်ဃးဒီး တၢ်လၢအဝဲသ့ၣ် မၤလိဘၣ်ဝဲ. အဒိ ပမၤစၢၤ ပှၤစံၣ်တဲၤတဲလီၤတၢ်ဖိ အသီတဖၣ်လၢ အဝဲသ့ၣ် ကမၤလိသ့ထီၣ်သးလၢ တၢ်စံၣ်တဲၤတဲလီၤတၢ်မၤ. တၢ်အိၣ်ဖှိၣ်သးပှၢ်တဖၣ် မၤစၢၤ တၢ်အိၣ်ဖှိၣ်အပှၤမၤစၢၤတၢ်တဖၣ် လၢတၢ်ဝံသးစူၤအပူၤ. တကးဒံးဘၣ် အဝဲသ့ၣ် မၤစၢၤစ့ၢ်ကီး ဒီပုၢ်ဝဲၢ်ခွါတဖၣ်လၢ ကမၤလၢပှဲၤ အမူဒါ လၢတၢ်အိၣ်ဖှိၣ်အပူၤ. ဒီးဒီပုၢ်ဝဲၢ်မုၣ်ခွါလၢ အအိၣ်ဒီး တၢ်သ့တၢ်ဘၣ်လၢ တၢ်တ့ထီၣ်ဘှီထီၣ် တကပၤန့ၣ် အဝဲသ့ၣ် သိၣ်လိဝဲ ဒီပုၢ်ဝဲၢ်အဂၤတဖၣ်ဒ်သိး ကတ့ထီၣ်ဘှီထီၣ် တၢ်သူၣ်ထီၣ်တဖၣ်လၢ ယဟိဝၤယွၤ အတၢ်မၤအဂီၢ်. တၢး၂၄.၀၉ ၂၈-၂၉ ¶၁၁-၁၂