Ата-энелер, балдарыңарга эмне үчүн Кудайга ишенерин түшүндүрүп бергенге көмөк кылгыла. Ан үчүн jw.org сайтындагы «Жаштардын суроолору. Эволюцияга ишениш керекпи же Кудайгабы?» деген катар макалаларды чогуу окуп көргүлө. Анан балаңар өзүнө түшүндүрүп бергенге оңой болгон далилди тандап алса болот. Андан кийин аны башкаларга түшүндүрүп бергенге көнүккүлө. Кызыккандарына акылга сыярлык жөнөкөй мисалдарды айтып бергенге үндөгүлө. Мисалы, классташы: «Мен көргөн нерсеме гана ишенем. Кудайды эч качан көргөн эмесмин. Ошондуктан ага ишенбейм»,— деши мүмкүн. Балаңар минтип айтса болот: «Киши көп барбаган бир токойдо жүргөнүңдү элестетсең. Кетип баратып эле жыгачтан салынган кооз үйдү көрүп каласың. Ошондо эмне деп ойлойт элең? Дароо эле аны кимдир бирөө курган деп ойломоксуң. Анда укмуштуудай татаал аалам кантип эле өзүнөн өзү пайда болуп калсын?» w24.12 18-б., 16-абз.

Маанилүү чечим чыгарарда баарыбыз тең эле кеп-кеңешке муктаж болобуз. Андай кеңештерди аксакалдар же рухий жактан жетилген ишенимдештерибиз бере алат. Эгер кимдир бирөө бизден бир топ эле улуу болсо, ал эски киши да деп кеңешин укпай койбошубуз керек. Жахаба улуу кишилерден үйрөнүшүбүздү каалайт. Анткени алар бизге караганда көптү көргөн, түшүнүгү кенен жана акылдуу. Байыркы учурда Жахаба жашы өр тартып калган ишенимдүү кызматчылары аркылуу элин жетектеп, дем-шык берчү. Буга Мусаны, Дөөтүнү жана элчи Жаканды мисал кылса болот. Алар ар кайсы доордо жашаган жана жагдай-шарты ар кандай болгон. Карылыгы жетип, өлөрүнө аз калганда алар жаштарга даанышман акыл-насаатын айтышкан. Ал карыялардын ар бири Жахабага баш ийүү канчалык маанилүү экенин баса белгилеген. Жашпызбы, карыбызбы, баарыбыз тең алардын кеңешин карап чыккандан чоң пайда ала алабыз (Рим. 15:4; Тим. 2-к. 3:16). w24.11 8-б., 1, 2-абз.

Нухтун күндөрүндө Кудай адамдарга канды жегенге тыюу салган (Башт. 9:3, 4). Кийин Жахаба Ысрайыл элине да канды жебеши керектигин айткан. Кан жеген киши элдин арасынан «жок кылынган» (Леб. 7:27). Иса жүйүттөрдү Кудай берген мыйзамдардын баарын аткарганга үндөгөн (Мт. 5:17—19). Андыктан ал аларга түзмө-түз анын денесин жеп же канын ичиш керектигин эч качан айтмак эмес. Иса ал сөздөрдү каймана мааниде айткан. Ошондон мурунураак самариялык аял менен сүйлөшкөндө да ал ушул сыяктуу салыштырууну колдонгон. Ал ага: «Мен берген суу түбөлүк өмүр берет»,— деген (Жкн. 4:7, 14). Иса самариялык аялга кадимки суудан ичсе эле түбөлүк жашап каларын айткысы келген эмес. Капернаумга чогулган элге да түбөлүк жашаш үчүн анын кадимки денесин жеп, канын ичиш керектигин айткысы келген эмес. w24.12 9-б., 4—6-абз.