Иегова судитлыме годым эре чын пунчалым луктеш манын, пеҥгыдын ӱшанен кертына мо? Кертына. Авраам ужын: Иегова ситыдымаш деч посна, чот уш-акылан, чаманыше «чумыр мландын Судьяже». Тудо шке Эргыжым туныктен да судитлаш уло властьым тудлан пуэн (Иоан. 5:22). Иегова ден Иисус еҥ-влакын шӱмыштышт мо улмым палат (Матф. 9:4). Сандене кажне айдеме шотышто решенийым лукмо годым нуно справедливый лийыт! Айста Иеговалан эре ӱшанена да чын пунчалым лукмыжо шотышто нигунамат кокыте она шоно. Ме умылена: тудын дене таҥастарымаште судья рольлан ме келшен она тол (Ис. 55:8, 9). Сандене ме уло судым тудын да Эргыжын кидышкышт пуэна. Ме палена: Иисус кугыжана Ачаж гаяк справедливый да чаманыше лиеш! (Ис. 11:3, 4). w24.05 7, абз. 18, 19

Шӱмыштӧ чыным ойлаш чотак кӱлешан. Тидым ик случай пеҥгыдемда. Филипп Иисус деке Нафанаил йолташыжым вӱден конден. Иисус Нафанаил дене палыме лийын огыл гынат, каласен: «Теве чынжымак Израиль еҥ, тудын нимогай шоякшат уке» (Иоан. 1:47). Чынже денак Нафанаил честный лиймыж дене чотак ойыртемалтын. Мемнан гаяк Нафанаил сулыкан лийын гынат, тудо сайла кояш тӧчен огыл да чыла шотыштат честный лийын. Иисуслан тиде чот келшен, да тудо Нафанаилым мокталтен. 14-ше Псаломышто шукыракшым ойлалтеш, могай отношений мемнан весе-влак деке лийшаш да кузе тидым паша дене ончыкташ. Псалом 14:3 дене келшышын, Иегован унаже «шоям ок шаркале, лишылжылан осалым ок ыште да йолташыж-влакым намысыш огеш пурто». Мом ойлымынам она эскере гын, весе-влаклан кугу эҥгекым ыштен кертына (Иак. 1:26). w24.06 10, абз. 7, 9; 11, абз. 10

Таныклымылан сайын ямдылалтыда гын, шагалрак тургыжланаш тӱҥалыда да тыланда еҥ-влак дене мутланаш куштылгырак лиеш. Иисус тунемшыже-влакым таныклаш колтымо деч ончыч нунылан таныклымашлан ямдылалташ полшен (Лук. 10:1—11). Нуно ойлымыжо почеш ыштеныт. Тидлан кӧра служымаш моткоч сай лектышым конден, да тунемше-влак чот куаненыт. А кузе таныклымылан ямдылалташ лиеш? Мом ойлаш да кузе тидым шке мут дене каласаш, шоналтыза. Тыгак шоналтыза, ойлымыланда еҥ-влакын могай реакцийышт лийын кертеш? Кажне тӱрлӧ реакций годым мом те вашештеда, шонкален налза. Вара таныклыме годым тыланда лыпланаш, шыргыжаш да поро лияш гына кодеш. w24.04 16, абз. 6, 7