Ο Ιεχωβά ντέλα πνευματικός χαμπέ σαρέ πι υπηρετόντε. Επίσης οδηγίνελα-λεν ντα αρακχαβέλα-λεν. Εκ παράδειγμας σο σικαβέλα ότι ο Ιεχωβά να ξεχωρίνελα ι τζενέν ισί ότι ντέλα ι Αγία Γραφή τζενέντε σαρί κι πφουβ αντιβές. Η Αγία Γραφή γραφισάλι τρινέ τσσιμπέντε: κο εβραϊκά, κο αραμαϊκά ντα κο μπαλαμανές. Μήπως ο τζενέ σο μπορίνενα τι διαβάνεν ι Γραφή κο τσσιμπά σο γραφισάλι κο πουρανέ μπρεσά, τθερένα πο ζουρανί φιλία ι Ιεχωβάσαρ κατά τζενέ σο να μπορίνενα τι κερέν-λες ανταβά; Όχι, ανταβά νανέ μπαγιά. (Ματθ. 11:25) Για τι αβέλ εκ τζενό αμάλ ι Ιεχωβάσκο, να χρειαζίντιβελα τι αβέλ μορφωμέ ή τι τζανέλ ο τσσιμπά σο γραφισάλι η Γραφή. Ο Ιεχωβά ντέλα πι σοφία σαρέ ι τζενέντε κι πφουβ, είτε ισί μπουτ μορφωμέ είτε όχι. Λέσκο Λάφι μεταφρασάλο χιλιάδες τσσιμπέντε. Οτθάρ, τζενέ σαρί κι πφουβ μπορίνενα τι ντικχέν λατσσιπέ κατά πράγματα σο βακερέλα η Γραφή ντα τι σικλιόν σαρ μπορίνενα τι αβέν λέσκε αμαλά.​—2 Τιμ. 3:16, 17. w24.06 σ. 6, 7 ¶13-15

Η καταστροφή της Ιερουσαλήμ, σο βακερντάας ο Ιησούς ότι κα αβέλας, ισινέ μπουτ πασέ. Ο Χριστιανοί έπρεπε τι χρησιμοποιήνεν ο χρόνος σο ατσσόλας-λεν για τι ετοιμάντιβεν από πριν. Κα κερένας-λες ανταβά άμα κα μπαριαρένας πουμαρέ ιδιότητες σαρ ισί η πίστη ντα η υπομονή σο τθερένας. (Εβρ. 10:25· 12:1, 2) Ατζεχάνικ αμέν κα αντιμετωπίνας εκ στενοχώρια μπουτ πο μπαρί οντουλάταρ σο τζουβντιλέ ο Εβραίοι Χριστιανοί. (Ματθ. 24:21· Αποκ. 16:14, 16) Ντικχέν κάποιες συμβουλές σο ντινάς ο Ιεχωβά οντουλέ Χριστιανόντε σο κα μπορίνεν τι βοηθίνεν εμ αμέν. Ο απόστολος Παύλος βακερντάς πι πφραλένγκε ντα πι πφενίνγκε τι διαβάνεν μπουτ λατσσές ι Γραφή ντα τι σκεφτίνεν-λα προσεκτικά. (Εβρ. 5:14–6:1) Ο Παύλος χρησιμοποιηντάς εδάφια κατά Εβραϊκές Γραφές ντα εξηγιντάς σόσκε ο τρόπος σο ντένας λατρεία ο Χριστιανοί ι Ιεχωβάς ισινέ μπουτ πο λατσσό κατά τρόπος σο ντένας λατρεία ο Ιουδαίοι ι Ντεβλές. Ο Παύλος βακερντάς κο Χριστιανοί τι μπαριαρέν πουμαρί γνώση ντα τι αγαβέν ατζέ πο λατσσές ι αλήθεια σο ισί κι Γραφή. Αν κα κερένας-λες ανταβά κα αγαβένας ο λάθος πράγματα σο σικλιαρένας ο γιαβερά ντα αντικάς μα κα δεχτίνενας-λεν. w24.09 σ. 8, 9 ¶2, 3· σ. 10 ¶6

Ο μαθητές ι Ιησούσκε χρειαζίντιβενας τι λεν ζορ. Σόσκε; Μερικοί λένταρ μουκχλέας πουμαρό κχερ, πουμαρί φαμιλί ντα πουμαρί μπουτί για τι ακολουθίνεν ι Ιησούς. (Ματθ. 19:27) Γιαβερά αβιλέ μαθητές ι Ιησούσκε ντα ο ντουνιάς αρχισάλο τι τζαλ λέντζαρ κόντρα. (Ιωάν. 9:22) Κερντέ ανταλά θυσίες επειδή πακιάνας ότι ο Ιησούς ισινέ ο Μεσσίας σο κα αβέλας. (Ματθ. 16:16) Αλλά κάνα μουνταρντέ ι Ιησούς, λένγκε ελπίδες χασάρντιλε ντα βον χασαρντέ πουμαρί ζορ. Ο Ιησούς αγαβέλας ότι ισινέ φυσιολογικός λέσκε μαθητές τι αβένας στεναχωριμέ κάνα μουλόας. Ντα τζανέλας ότι να ισινέ στεναχωριμέ επειδή να τθερένας πίστη. Οτθάρ, ο ίδιος ντιβές σο αναστισάλο, αρχισάλο τι ντελ ζορ πι φιλόντε. Για παράδειγμας, σικαντάς-πες κι Μαρία κι Μαγδαληνή κάνα βόι ροβέλας λέσκε μεζαρίστε. (Ιωάν. 20:11, 16) Επίσης, σικαντάς-πες κο ντούι μαθητές σο νασλέας για το γκαβ Εμμαούς. Σικαντάς-πες εμ κο απόστολος Πέτρος. w24.10 σ. 13 ¶5, 6