හිතන්න, ඔයා පවුලේ අයට උදව් කරන්න රස්සාවක් හොයනවා කියලා. රස්සාවල් දෙකක් ඔයාට හම්බ වෙනවා. ඒ දෙකෙන්ම දෙවියන්ගේ ප්‍රතිපත්ති කැඩෙන්නේ නැහැ. හැබැයි ඔයා ඒ රස්සාවල් ගැන හැම තොරතුරක්ම හොයලා බලනවා. එතන මොන වගේ වැඩක්ද කරන්න තියෙන්නේ? කීයේ ඉඳන් කීය වෙන කල් වැඩද? යන්න එන්න කොච්චර වෙලාවක් යනවාද? සමහරවිට ඒ දෙකෙන් එකකට ඔයා වැඩියෙන් කැමති ඇති. එතන කරන්න තියෙන වැඩේට ඔයා ආසයි. පඩිත් හොඳයි. හැබැයි ඒ දෙකෙන් එකක් තෝරගන්න කලින් ඔයා බලන්න ඕන තව පැති තියෙනවා. ඒකට ගියොත් රැස්වීම් අතපසු වෙයිද? පවුලේ අයගේ සතුට ගැනත් ආරක්ෂාව ගැනත් හොයලා බලන්න, යෙහෝවාට ළං වෙන්න එයාලට උදව් කරන්න කාලේ හොයාගන්න ඔයාට බැරි වෙයිද? ඒ වගේ ප්‍රශ්න ගැන හිතන එක ඔයාට උදව් වෙනවා ‘වඩා වැදගත් දේවල්වලට’ මුල් තැන දෙන්න. ඒ කියන්නේ සල්ලි හම්බ කරනවාට වඩා නමස්කාරයේ දේවල්වලට, පවුලේ අයගේ ඕනෑ එපාකම් ගැන හොයලා බලන්න මුල් තැන දෙන්න. එතකොට යෙහෝවාගේ ආශීර්වාදය ලැබෙන හොඳ තීරණයක් ගන්න ඔයාට පුළුවන්. w25.01 17 11-13¶

අනිත් අය ඔයාට නපුරු විදිහට සැලකුවත් යෙහෝවා ඔයාට ආදරෙයි, ඔහුට ඔයාව වටිනවා කියලා මතක තියාගන්න. යෙහෝවා ඔයාට තියෙන ලස්සන ගතිගුණ දැක්කා. ඒ නිසයි ඔහු ඔයාව ඔහු ළඟට ඇදලා ගත්තේ. (යොහ. 6:44) ඕනම වෙලාවක ඔයාට උදව් කරන්න ඔහු ලෑස්ති පිට ඉන්නවා. මොකද ඔහුට ඔයාව ගොඩක් වටිනවා. යේසුස් වැඩ කරපු විදිහෙන් යෙහෝවාට අනිත් අය ගැන හැඟෙන විදිහ තේරුම්ගන්න පුළුවන්. මිනිස්සු කිසිම වටිනාකමක් දුන්නේ නැති අයට යේසුස් අවධානය දුන්නා. ඔහු එයාලට ආදරෙන්, අනුකම්පාවෙන් සැලකුවා. (මතෙ. 9:9-12) සැරයක් බරපතළ අසනීපයක් තිබුණ කාන්තාවක් සුව වෙයි කියලා හිතලා යේසුස්ගේ සළුවෙන් ඇල්ලුවා. යේසුස් එයාට බණිනවා වෙනුවට එයාව සනසලා එයාගේ විශ්වාසේ අගය කළා. (මාක් 5:25-34) ඒ වෙලාවේ යේසුස් වැඩ කළේ යෙහෝවා වගේමයි. යෙහෝවාටත් මිනිස්සු ගැන දැනෙන්නේ ඒ විදිහටමයි. (යොහ. 14:9) ඉතින් යෙහෝවාට ඔයාව ගොඩක් වටිනවා කියලත් විශ්වාසේ, ආදරේ වගේ ඔයා ළඟ තියෙන ලස්සන ගුණාංග ඔහු දකිනවා කියලත් සැක කරන්න ඔයාට කිසිම හේතුවක් නැහැ. w24.10 7 4-5¶

ජීවිත කාලේ පුරා දාවිත්ගේ ඇස්වලින් කඳුළු වැටුණ අවස්ථා සෑහෙන්න තිබුණා. ගොඩක් අය එයාට නපුරුකම් කළා. එයාගේ කිට්ටු අය එයාට ද්‍රෝහි වුණා. (1 සාමු. 19:10, 11; 2 සාමු. 15:10-14, 30) සැරයක් දාවිත් මෙහෙම කිව්වා. “අඬලා අඬලාම මම හෙම්බත් වෙලා. රෑ පුරා මගේ ඇස්වලින් ගලන කඳුළෙන් මගේ යහන පෙඟිලා. කඳුළුවලින් මගේ ඇඳ තෙත් වෙලා.” (ගීතා. 6:6) කොච්චර ප්‍රශ්න ආවත් යෙහෝවාගේ ආදරේ ගැන දාවිත්ට කිසිම සැකයක් තිබුණේ නැහැ. ඒකයි එයා කිව්වේ “මං උදව් ඉල්ලලා අඬද්දී යෙහෝවා මට අනිවාර්යයෙන්ම සවන් දෙනවා” කියලා. (ගීතා. 6:8) අද දිනපදේ දාවිත්ගේ වචන කියවද්දී යෙහෝවාගේ ආදරේ අපිට දැනෙනවා. දාවිත්ට දැනුණේ එයාගේ ඇහෙන් වැටෙන හැම කඳුළක්ම යෙහෝවා සම් භාජනයකට එකතු කරගන්නවා වගේ, ඒවා ගැන ලියවිල්ලක ලියාගන්නවා වගේ. එයාගේ වේදනාව යෙහෝවා දකිනවා, ඔහු ඒක අමතක කරන්නේ නැහැ කියලා දාවිත් දැනන් හිටියා. ඒ ප්‍රශ්න නිසා දාවිත්ට හැඟෙන විදිහ යෙහෝවා තේරුම්ගත්තා කියලත් එයාට ලොකු විශ්වාසයක් තිබුණා. w24.12 22 11-12¶