Удмуртарня, 4-тӥ куарусён
Азыса-сӧриськыса улӥсьёс Кузё-Инмар азьын юрӟым адӟисько, нош шонер улӥсьёсын Со кусып возе (Мад. 3:32).
Чылкыт сюлмын улыны туж кулэ. Та адӟиське учырысь, куке Филипп Иисус доры Нафанаил эшсэ вайиз. Солэсь азьвыл Иисус Нафанаилэн тодмо ӧй вал ке но, со шуиз: «Тани зэмос Израиль адями, солэн кескич сямыз ӧвӧл» (Иоанн 1:47). Иисус тодэ вал, мукетъёсыныз ӵошатыса, Нафанаил чылкыт сюлмын улыны эшшо но тырше вал шуыса. Нафанаил, ми кадь ик, сьӧлыко адями вал ке но, со котьмар ласянь ассэ шонер возьыны тыршиз. Соин ик Иисус сое ушъяз. Иеговалы ярамон луон понна тросэз куронъёс, кудъёсыз 14-тӥ псаломын гожтэмын, герӟаськемын соин, кызьы ми асьмеды мукетъёсыныз возиськомы. Псалтирьын 14:3 вераське, Иеговалэн куноез «кыл вӧлдыса уг ветлы, эшезлы урод уж уг лэсьты, матысь муртсэ кылыныз вӧсь уг кары» шуыса. Ми кылмес пинь сьӧрамы ӧм возе ке, мукетъёсызлы бадӟым изъян вайыны быгатомы (Иак. 1:26). w24.06 10 б., 7, 9 абз.; 11 б., 10 абз.
Кӧснунал, 5-тӥ куарусён
Кузё-Инмармы! Тынад нимыныд периос но милесьтым кылзӥсько (Лука 10:17).
Тодытон ужлы умой дасяськиды ке, тӥ сокем уд сюлмаське но адямиосын вераськыны капчигес луоз. Дышетскисьёссэ ӟеч иворез вераны ыстэмезлэсь азьло Иисус пыр-поч вераз соослы, мар кароно но кызьы (Лука 10:1—11). Дышетскисьёс Иисуслэсь кылзӥськизы. Соин ик тодытон ужзы умой емышъёс но бадӟым шумпотон вайиз. Кызьы дасяськоно тодытон ужлы? Тодытыны мынон азьын тани мар сярысь малпаське: «Мар тӥляд верамды потэ адямиослы? Кызьы тӥ сое ас кылъёсыныды вералоды? Мар вераны быгато адямиос? Мар тӥ вералоды соослэн пумитазы?» Та выллем юанъёс вылын малпаськон юрттоз тӥледлы адямиен сюлмаськытэк, пальпотыса но лякытэн вераськыны. w24.04 15—16 б., 6, 7 абз.
Арнянунал, 6-тӥ куарусён
Тон, Кузё-Инмаре, данлыкез, сӥ-данэз, кужымез басьтыны ярась, уго Тон ваньзэ кылдытӥд (Усьт 4:11).
Валтӥсез муг, малы ми ӟеч иворез тодытӥськомы,— ми Иеговаез но солэсь святой нимзэ яратӥськомы. Ӟеч иворез вераса, ми яратоно Атаймес данъяны быгатӥськомы. Ми быдэсак соглаш таӵе кылъёсын: «Тон, Кузё-Инмаре, данлыкез, сӥ-данэз, кужымез басьтыны ярась» (Усьт 4:11). Ми Иеговаез данъяськомы, куке мукетъёсызлы вераськомы, малы оскыны луэ, со ваньзэ кылдытӥз но милемлы улон сётӥз шуыса. Озьы ик ми Инмарлы кужыммес сётӥськомы, куке дырмес но коньдонмес кутӥськомы, быгатэммыя тросгес тодытон понна (Матф. 6:33; Лука 13:24; Кол. 3:23). Ми ваньзэ тае лэсьтӥськомы, малы ке шуоно милемлы кельше яратоно Инмармы сярысь вераны. Озьы ик милям мукетъёсызлы вераммы потэ Иеговалэн нимыз но сямъёсыз сярысь. w24.05 17 б., 11 абз.