Amuriahati meha Heowá luma Abüraámü, lun ladagaragüdüni Isaakü, le lisaani, keisi sákürifisiu lun Bungiu. Chóuruti sandí lan meha Abüraámü wéiriya lan ligari katei le lamuriahabei Heowá luma. Íbini ítara, adüga lumuti le ariñawagúbei lun. Dan yebe le láfaraali lubéi Abüraámü Isaakü, aba lararamuni Heowá luéi ladügüni. Lau sun lira, ídehati meha sügǘ le lun harihini sun gürigia ha wéiribei hafiñen aranseñu luba lan meha Heowá lun ladügün aban óunwenbu sákürifisiu: lederegeruni libagari Liráü le wéiribei línsiñe lun hawagu sun gürigia (Agu. 22:​1-18). Saragu sígulu lárigiñe, dan meha le líchugunbalin Heowá Lilurudun houn ísüraelina, ariñagati meha houn mosu lan hadagaragüdün animaalugu lun lun gayara lan ferudunawa lan hafigoun (Fad. 4:​27-29; 17:11). Arufudati meha adagaragüdüni burí ligía, ladügüba lan meha Heowá aban adagaragüdüni le buítimati, ladüga lesefurubaña lan gürigia sunsuinagubei lídangiñe figóu. Adügati giñe Bungiu lun hafuranguagüdüni lánigu profeta lasufuriruba lan meha Adügawaguni le füramase lubéi lememe Liráü Bungiu le ábanrügüti ani lafarúba lan meha hilagubei lun lesefuruniña sun gürigia lídangiñe figóu luma óunweni, huguya haganagua (Isa. 53:​1-12). w24.08 páh. 4 pár. 7, 8

Dan le haliihanu Bíbülia, áfaagua humá lun hawinwanduni le haliihabei. Sun aünha lan aliiha fiu fánreinti tídangiñe Lererun Bungiu, álügüdagua humá hungua: “Ida luba nawinwanduni ariñahani le uguñe weyu o yarafa madise?”. Kei hénpulu, samina humá haliihañein lan 1 Tesalónikana 5:​17, 18. Lárigiñe, ráramagua humá murusun asaminara luagu ligaburi hafurieidun. Tídangiñe san sun hanigi hafurieida? Gabügürüguati san? Ka burí katei lunbei heteingiruni Bungiu luagu? Másiñati hasaminarun luagu ǘrüwa katei súdiniti le lunbei heteingiruni Heowá luagu. Anhaün araramagua asaminara luagu burí katei le, íbini murusunraü, mama aliiharügü hubóun Lererun Bungiu, hagumeseruba giñe awinwandei le hafurendeirubei. Anhein hadüga ligiaméme sagü weyu lau le haliihabei tídangiñe Bíbülia, lau lásügürün dan ábanbadün lubúein Heowá le buiti. w24.09 páh. 4, 5 pár. 9, 10

Kei le aubei warihei, adüga lumutiwa Heowá lau aban lubuidun igaburi: gúndaatimatiwa dan le wíchugun sügǘ lau dan le weresibirun. Buiti wasandiragun woungua dan le gayara lan wíderaguniña wábirigu ani gúndaatiwa dan le geteingiradi hamá. Meberesenga anhein geteingiradi habéi o meteingiradi hamá, gayaraati gunda wamá ladüga wadügüñein le richabei. Meberesenga átirihali lan wíchugun, haritagua waméi le lariñagubei 2 Krónikasi 25:9 súnwandan, gayaraati “líchugun [Heowá] sügǘ lau lira bun”. Úati ni aban gíchigaditi kei Heowá! Ani úati ni kata le gayaraabei lagundaragüdüniwa kei afayeiruahaü le lunbei líchuguni Heowá woun. Ligíati, áfaagua wamá lun wáyeihani líchigadi Wáguchi Bungiu Heowá le siélubei. w24.09 páh. 31 pár. 20, 21