¿Umi testígo de Jehová piko oreko peteĩ lísta oĩháme mbaʼeichagua pelíkula, lívro térã músikapa ojeproivi chuguikuéra?
Nahániri. Ore organisasión ndoikói orrevisa káda pelíkula, músika térã lívro, heʼi hag̃ua iporã térãpa ivai peteĩ kristiánope g̃uarã. ¿Mbaʼérepa?
La Biblia heʼi porã káda uno oiporu vaʼerãha iñakã oikuaa hag̃ua mbaʼépa iporã ha mbaʼépa ivai (Hebreos 5:14).
Ñandejára Ñeʼẽme oĩ heta konsého ikatúva oipytyvõ káda únope odesidi porã hag̃ua oiporavóta jave umi mbaʼe ohendu, ohecha térã oleétava.a Enterove kristiáno siémpre ñañehaʼã vaʼerã ñakumpli Efesios 5:10 heʼíva: “Peñehaʼã memékena pehechakuaa mbaʼépa oguerohory ñande Ruvicha”.
Ñandejára omoĩ tuvakuérape omoakã hag̃ua hogapy, ha haʼekuéra ikatu oproivi ifamíliagui umi pelíkula, lívro ha músika naiporãiva (1 Corintios 11:3; Efesios 6:1-4). Kongregasiónpe katu ndaipóri heʼíva vaʼerã mbaʼeichagua pelíkulapa ikatu ojehecha, mbaʼeichagua músikapa oñehendu vaʼerã, ni mbaʼe lívropa ojelee vaʼerã. Upéva rangue, káda uno odesidi mbaʼeichagua diversiónpa oiporavóta (Gálatas 6:5).
a Por ehémplo, la Biblia heʼi ivaietereiha pe espiritísmo, mbaʼe tieʼỹ ha violénsia, ha umi lívro, pelíkula térã músika orekóva koʼã mbaʼe jaikuaa noĩporãiha (Deuteronomio 18:10-13; Efesios 5:3; Colosenses 3:8).