¿Biblia leeyqa yanapawanmanchu? Iskay kaq parte: Biblia leey gustasunaykipaqqa kaykunatam ruwawaq

Will sutiyuq musum nin: “Wakinpiqa biblia leeyqa manam gustawanchikchu, chaynaqa kanman ichapas imayna leeyta mana yachasqanchikraykum”, nispa.

¿Munawaqchu mana amiruspalla bibliata ñawinchayta? Chaypaqmi kay yachachikuy yanapasunki.

• Leespaykiqa chaypipas kachkawaq hinam piensanayki

• Ñawinchasqaykimanta sumaqta yachaykuy

• Wakin musu-sipaskunam ninku

Chaypaqqa kaykuna ruwaymi yanapasunki:

1. Imamanta yachay munasqaykita akllay. Ñawinchawaqmi ñawpaqpi imapas pasakusqanmanta, Jesuspa vidanmanta utaq ñawpaqpi huk kaqnin Diosta serviqmanta.

2. Akllasqaykita ñawinchay. Chaytaqa ruwawaqmi sapallaykipas utaq aylluykiwan, utaq amistadnikikunawanpas.Chay ñawinchasqaykichikpi achka runakuna rimaptinqa sapakamam nisqankuta ñawinchawaqchik.

3. Kaytapas ruwawaqtaqmi:

   • Ñawinchasqaykipi imakuna pasakusqantam dibujawaq, sapa dibujopitaqmi qillqawaq chay dibujasqaykita yuyarinaykipaq.

   • Qillqawaqtaqmi Dios serviq runakunata imapas ruwasqankurayku Dios yanapaykusqanmantapas.

   • Chaymantapas ñawinchasqaykimantam actuachkawaqpas hina ruwawaq, chaypim actuaqkunata tapuchkawaqpas hina imanasqa imatapas ruwasqankumanta tapuwaq.

   • Sichum pipas mana allinta tantiasqanwan ñakarisqanta ñawinchaspanchikqa, piensachwanmi: “¿Imaynataq tarikunman karqa allinta tantiaruspanqa?”, nispa. Yuyaymanasun Jesusta negaq Pedropi (Marcos 14:66-72). ¿Payqa imaynataq tarikunman karqa Jesusta mana negaspanqa?

   • Qillqawaqtaqmi chay willakuypi imakunamanta yachasqaykitapas (Romanos 15:4).

     

Chayta ruwaspaykiqa sumaq yachachikuykunatam tarinki. Chaytaqa ¿imaynatam ruwawaq?

Chaypaq rimaykusunchik Mateo 28:7 hinaspa Marcos 16:7.

• ¿Imanasqataq Marcosqa qillqarqa Jesusqa qatiqninkunaman hinaspa Pedroman rikuriykunanmanta?

• Kaypi yuyaymanay: Jesus chayta niptinqa Marcosqa manam chaypichu karqa, chaytaqa yaqapascha Pedro willarqa.

• ¿Imatam chaymanta yachachwan?: Chaywanmi yachanchik Jesusqa Pedrowan mana piñasqa kasqanta (Marcos 14:66-72). Pedrowan Jesus mana piñakusqanqa, ¿imatam ñuqanchiktapas yachachiwanchik?

Biblia leesqanchikmanta astawan yachaykuspanchikqa, astawanmi munasunchik biblia leeyta.