IWatchtower LAYBRARI EKWI-INTANETHI

2 Kronike 32:21, 22

IZibhalo Ezingcwele—INguqulelo Yehlabathi Elitsha
- 21 UYehova wathumela ingelosi yaza yatshayela onke amakroti,+ iinkokheli nabaphathi enkampini kakumkani waseAsiriya, kangangokuba wabuyela elizweni lakhe ehlazekile. Ethubeni wangena endlini* yothixo wakhe yaye abanye koonyana bakhe bamxabela apho ngekrele.+ 22 Ngaloo ndlela uYehova wamsindisa uHezekiya nabantu baseYerusalem kuKumkani uSenaribhe waseAsiriya nakubo bonke abanye, wabaphumza macala onke.

Isaya 30:31

IZibhalo Ezingcwele—INguqulelo Yehlabathi Elitsha
- 31 Kuba isakuva ilizwi likaYehova, iAsiriya iza kunkwantya;+
  UThixo uza kuyibetha ngentonga.+

Isaya 31:8

IZibhalo Ezingcwele—INguqulelo Yehlabathi Elitsha
- 8 Kwaye iza kuwa iAsiriya likrele, ikrele elingelolamntu;
  Ikrele elingelolamntu, liza kuyitshabalalisa.+
  
  Kwaye iza kubalekiswa likrele,
  Nabafana bayo baza kukhotyokiswa.

Isaya 37:36, 37

IZibhalo Ezingcwele—INguqulelo Yehlabathi Elitsha
- 36 Ingelosi kaYehova yaxabela amadoda ayi-185 000 enkampini yama-Asiriya. Xa bevuka abantu ekuseni, babona kuthe saa izidumbu.+ 37 Ngoko uKumkani uSenaribhe waseAsiriya wemka wabuyela eNineve,+ wahlala apho.+