22 Ngoku umoya kaThixo uthi mandiye eYerusalem, nangona ndingazi ukuba kuza kwenzeka ntoni kum apho. 23 Into endiyaziyo kukuba kuzo zonke izixeko ebendihamba kuzo, umoya oyingcwele ubusoloko undixelela ukuba ndilindelwe yijele nazizinto ezibuhlungu.+

11 Weza kuthi, wathatha ibhanti likaPawulos, wazibopha ngalo ezinyaweni nasezandleni waza wathi: “Umoya oyingcwele uthi, ‘Indoda engumnikazi weli bhanti iza kubotshwa ngolu hlobo ngamaYuda eYerusalem+ yaye aza kuyinikela kubantu beentlanga.’”+

23 Basebenzela uKristu na? Xa ndiphendula njengomntu ophambeneyo, ndiyabogqitha: Ndisebenze ngaphezu kwabo,+ ndivalelwe ejele kaninzi,+ ndinyamezele ukubethwa kaninzi, yaye kudala ndisinda ekufeni.+ 24 Kude kwakahlanu ndibethwa imivumbo eyi-39 ngamaYuda,+ 25 kwakathathu ndibethwa ngeentonga,+ ndikhe ndabethwa nangamatye,+ ndophukelwa yinqanawa kathathu,+ ndachitha ubusuku nemini phakathi elwandle. 26 Bendisoloko ndisendleleni, ndiwela imilambo eyingozi, ndisengozini yokukhuthuzwa, ndisengozini kubantu bakuthi,+ ndisengozini ezintlangeni,+ ndisengozini esixekweni,+ ndisengozini entlango, ndisengozini elwandle, ndisengozini phakathi kwabazalwana bobuxoki, 27 ndisebenza, ndibulaleka, ndingalali ebusuku,+ ndilamba, ndinxanwa,+ amaxesha amaninzi ndingenanto yakutya,+ ndigodola yaye ndingenanto yakunxiba.*

28 Ukongeza kuzo zonke ezo zinto, yonke imihla ndihlala ndixhalabele onke amabandla.+

24 Kuyandivuyisa ukuva ubunzima ngenxa yenu,+ ibe ndijongene nobunzima njengoKristu, kodwa kusafuneka ndijongene nobunzima ngokupheleleyo ngenxa yomzimba wakhe+ olibandla.+

12 Ndehlelwa zezi zinto ngenxa yalo msebenzi ndiwenzayo,+ ibe andinazintloni ngaloo nto.+ Kaloku ndiyamazi Lowo ndithembele kuye, ibe ndiqinisekile ukuba uyakwazi ukukhusela nantoni na endithembe ukuba uza kuyikhusela de kube yimini yomgwebo.+