IiNdumiso

84 Owu Yehova wemikhosi,+

Ithandeka ngeyona ndlela intente yakho engcwele nezukileyo!

 2 Ndikufuna ngentliziyo yam yonke

Ukuya eyadini kaYehova;

Ndikulangazelela ngeyona ndlela.+

 3 Kwanentaka izakhele apho,

Nenkonjane yazifumanela indlwane,

Apho iwabeke khona amantshontsho ayo

Kufutshane nesibingelelo sakho esizukileyo, Yehova wemikhosi,

Kumkani wam noThixo wam!

 5 Bonwabile abantu abafumana amandla kuwe,+

Abazimisele ngentliziyo yabo yonke ukuhamba koohola bendlela.

 6 Xa bedlula kwiNtlambo Yemibhaka,*

Bayenza ibe nemithombo,

Ize imvula iyizisele iintsikelelo.*

 7 Baza kuya besomelela njengokuba behamba,+

Ngamnye abonakale phambi koThixo eZiyon.

 8 Owu Yehova Thixo wemikhosi, wuve umthandazo wam;

Ndimamele, owu yhini Thixo kaYakobi. (Selah)

 9 Khawujonge, khaka lethu,+ Thixo wethu,*

Jonga ubuso bothanjisiweyo wakho.+

Ndikhetha ukuma emgubasini wendlu yoThixo wam

Kunokuhlala ezintenteni zabenzi-bubi.

11 Kuba uYehova uThixo ulilanga+ nekhaka;+

Ubonisa ububele aze anike uzuko.

UYehova akabavimbi nantoni na elungileyo

Abo bangasolekiyo.+

12 Owu Yehova wemikhosi,

Wonwabile umntu othembela ngawe.+