Isaya

Ezi zithixo zikhweliswe kwizilwanyana, izilwanyana ezithwala imithwalo+

Zinjengomthwalo osinda izilwanyana ezidiniweyo.

 2 Zombini ziyagoba ibe zithokombile;

Azikwazi nokuncedisa kule mithwalo,*

Ibe zona, zona kanye ziyathinjwa.

 3 “Khanindimamele, owu yhini ndlu kaYakobi, nani nishiyekileyo bendlu kaSirayeli,+

Nina ndanixhasayo, ndanithwala ukususela esibelekweni.+

 4 Niza kude niguge, mna ndingekatshintshi;+

Ndiza kuqhubeka ndinithwele nokuba seninezimvi.

 5 Ningandifanisa okanye nindilinganise nabani?+

Ngubani onjengam, ukuze nindifanise naye?+

 6 Kukho abo bakhupha igolide eninzi ezipajini zabo;

Abo bakala isilivere.

 7 Bamotyatha emagxeni;+

Bamthwala baze bambeke endaweni yakhe, uma bhunxe apho.

Bayamkhwaza, kodwa akaphenduli;

Akakwazi kusindisa namnye kwintlungu yakhe.+

 9 Khumbulani izinto zokuqala, zakudala,

Ukuba ndinguThixo ibe akekho ofana nam

10 NdinguLowo uchaza umphumo wezinto zingekenzeki,

Nozichaza kwakudala izinto zingekenziwa.+

Ndithi, ‘Isigqibo sam siza* kuma,+

Ibe ndiza kuyenza yonke into endithanda ukuyenza.’+

11 Ndibiza intaka edla inyama empuma,*+

Isuka kwilizwe elikude, umntu wokuphumeza isigqibo sam.*+

12 Ndimameleni nina baneentliziyo ezilukhuni,*

Nina bakude ebulungiseni.

13 Ndibusondezile ubulungisa bam;

Abukho kude,

Yaye ndiza kunisindisa ngokukhawuleza.+