IiNdumiso

Kumalathisi. Eyoonyana bakaKora.+ Ingoma emnandi.

47 Qhwabani izandla, nonke nina zizwana.

Khwazani kuba noyisile nize nidumise uThixo ngentswahla yovuyo.

2 Kuba uYehova, Oyena Uphakamileyo, uyamangalisa;+

UnguKumkani omkhulu emhlabeni wonke.+

3 Uzithoba zibe phantsi kwethu izizwana;

Iintlanga uzifaka phantsi kweenyawo zethu.+

4 Usikhethela ilifa,+

Iqhayiya likaYakobi, lowo amthandayo.+ (Selah)

5 UThixo uye wenyuka ngentswahla yovuyo;

UYehova unyuke ngesandi sophondo.*

6 Mdumiseni ngengoma* uThixo, mdumiseni ngengoma.

Mdumiseni ngengoma uKumkani wethu, mdumiseni ngengoma.

7 Kuba uThixo nguKumkani womhlaba wonke;+

Mdumiseni ngengoma, nenze ngobulumko.

8 UThixo uye wanguKumkani ezintlangeni.+

UThixo uhlala etroneni yakhe engcwele.

9 Iinkokheli zabantu ziye zadibana

Kunye nabantu boThixo ka-Abraham.

Kuba abalawuli bomhlaba ngabakaThixo.*

Ukwindawo ephakame kakhulu.+