IiNdumiso

144 Makadunyiswe uYehova, iLiwa lam,+

Ofundisa izandla zam ukulwa,

Iminwe yam imfazwe;+

 2 Unothando olungagungqiyo ibe uyindawo yam ekhuselekileyo,

Uyindawo endibalekela kuyo* nomsindisi wam,

Ulikhaka lam nomkhuseli wam,+

Lowo woyisa izizwana phantsi kwam.+

 3 Owu Yehova, ebeyintoni na umntu ukuba ungade umqaphele,

Unyana womntu nje ofayo ukuba ungade umhoye?+

 4 Umntu ufana nje nomphunga;+

Imihla yakhe injengesithunzi esidlulayo.+

 5 Owu Yehova, thoba* amazulu akho wehle;+

Chukumisa iintaba, uzenze ziqhume.+

 6 Lenyezisa imibane, uzibethe zithi saa iintshaba zam;+

Zidubule ngeentolo zakho zitsho ziduba-dubeke.+

 7 Yolula izandla zakho usezulwini;

Ndihlangule, undisindise emanzini alwayo,

Esandleni sabasemzini,*+

 8 Abamlomo uthetha ubuxoki

Nabaphakamisa isandla sabo sasekunene ukuze bafunge ngobuxoki.

Ndiza kukudumisa ngengoma* nangomrhubhe oneentambo ezilishumi,

10 Wena owenza ookumkani boyise,*+

Osindisa uDavide umkhonzi wakho ekubulaweni likrele.+

11 Ndihlangule, undisindise kwabasemzini,

Abamlomo uthetha ubuxoki

Nabaphakamisa isandla sabo sasekunene ukuze bafunge ngobuxoki.

12 Oonyana bethu baza kuba njengezityalo ezincinci ezikhula ngokukhawuleza,

Iintombi zethu zibe njengeentsika zekona ezihonjiselwe indlu kakumkani.

13 Iindawo zethu zokugcina ukutya ziza kuphuphuma ziintlobo ngeentlobo zokutya;

Imfuyo yethu iza kuphindaphindeka ibe ngamawaka, amashumi amawaka.

14 Iinkomo zethu ezimithiyo azizukuphuma sisu;

Akukho sikhalo siza kuvakala kwiindawo zethu zikawonke-wonke.