IiNdumiso

 2 Kuba baza kundiqwenga njengengonyama,+

Bandixhwile kungekho mntu wokundisindisa.

 3 Owu Yehova Thixo wam, ukuba ndibekeka ityala ngale nto,

Ukuba andenzanga bulungisa,

 4 Ukuba ndimphathe kakubi lowo undenzela ububele,+

Okanye ukuba ndiphange utshaba lwam lungenzanga nto,*

 5 Utshaba malundileqe lundifumane;

Malubunyathelele emhlabeni ubomi bam

Luze lulwenze luphelele eluthulini uzuko lwam. (Selah)

 6 Phakama Yehova, unomsindo;

Ndinqandele kumsindo weentshaba zam;+

Vuka ngenxa yam, uze uqinisekise ukuba kwenziwa ubulungisa.+

 7 Mazikujikeleze iintlanga;

Ibe wena uza kuzihlasela usetroneni yakho ephezulu.

Owu yhini Yehova, ndigwebe ngokobulungisa bam

Nangokungasoleki kwam.+

Wakhusele amalungisa,+

Kuba wena unguThixo olilungisa+ ohlola iintliziyo+ neengcinga.*+

11 UThixo nguMgwebi olilungisa,+

Ibe uThixo uwisa izigwebo zakhe* yonke imihla.

12 Ukuba nabani na akaguquki,+ ulola ikrele lakhe;+

Ugoba isaphetha sakhe aze asilungiselele ukutola.+

13 Ulungisa izixhobo zakhe ezibulalayo;

Ukhupha iintolo zakhe zomlilo.+

14 Khawujonge lowo umithi inkohlakalo;

Ukhawula inkathazo aze azale ubuxoki.+

15 Ugrumba umngxuma, awumbe ube nzulu,

Kodwa uwela kuloo mngxuma awenzileyo.+

16 Inkathazo yakhe iza kubuyela kwintloko yakhe;+

Ubundlobongela bakhe buza kuwa phezu kokakayi lwentloko yakhe.

17 Ndiza kumdumisa uYehova ngenxa yobulungisa bakhe;+

Ndiza kulidumisa ngomculo* igama likaYehova,+ Oyena Uphakamileyo.+